तो शांत समुद्र ती लाटांची गाज
तो नभात रंगाची उधळण करत
अस्ताला निघालेला रवी
त्यांचे ते समुद्रावर पडलेले प्रतिबिंब
जसे काही तो समुद्रात विलीन होत आहे..
ती मऊ वाळू त्यांत शांत पडलेले
शंख शिंपले आणि ती लाटांची ये जा
आपण दोघेच शांतपणे आपल्या
विचारांच्या तंद्रीत हरवलेले.
किती सुंदर आल्हाददायक ते वातावरण
असे वाटते तेथेच त्या शांत वातावरणात
तुझ्या कुशीत शेवटचा श्वास घ्यावा.
व या मोहमाया रंग बदलणाऱ्या
स्वार्थी अप्पलपोटी जगापासून
कायमचे दूर व्हावे...
मुक्तछंद काव्या
मेघा...✍️✍️©️®️
