सोनेरी पहाट घेऊन

राणी झालं गेलं सोडून दे.

किती दुःख करणार आहे.

नविन वर्षांची सुरुवात नव्याने कर

तुझ्या आयुष्यात नविन वर्षात

सुखाची सावली येऊ दे.

उद्याचा रवी तुझ्या आयुष्यात

दुःखाचे धुके दूर करुन

नविन सोनेरी पहाट घेऊन येऊ दे.

रवीच्या या सोनेरी किरणांनी

तुझे उर्वरीत आयुष्य

सोनेरी किरणांनी

तेजोमय होऊन जाऊ दे.

हिच स्वामी समर्थ चरणी प्रार्थना 🙏🙏

{हि रचना काल्पनिक आहे}

मुक्तछंद काव्या

मेघा...✍️✍️©️®️

सोडून देऊ

झाले गेले कसं सोडून द्यावे

म्हणणे खूप सोपे असते.

ज्याला दुःख सहन करावे लागले

ते फक्त त्यालाच माहित असते.

ह्या सरत्या वर्षाने फक्त

संकटे व परिक्षा घेतली.

दुःखी ने माझी झोळी भरली.

किती क्लेश करू या

सरत्या वर्षाच्या सोबत

४ जून २०२१ हा दिवस 

माझ्या आयुष्यातील काळा

दिवस ठरला.

मुक्तछंद काव्या

मेघा...✍️✍️©️®️

प्रयत्न

आपण दोघांनी प्रेम तर 

एकमेकांवर मनापासून केलं

एकमेकांना शिवाय 

आपण राहू शकत नाही.

मला माहित आहे रे 

आपलं लग्न होईल

असं वाटतं नाही.

खूप खूप समजावले

सगळे प्रयत्न करून झाले.

आपलं दोघांचं लग्न व्हावं

आपण दोघं सुखी व्हावं

एकत्र जीवनाचा आनंद घ्यावा.

पण आपल्या लव्ह मॅरेजसाठी

प्रयत्नांना दिशा मिळत नाही.

{हि रचना काल्पनिक आहे}

मुक्तछंद काव्या

  मेघा...✍️✍️©️®️

संकल्प

नविन वर्षाचे नविन संकल्प

नवे नवे चालतात आठवडाभर

जोश जरा उतरला की

पुन्हा पहिले पाढे पंचावन्न

मग चालू होतात करणे

जमलंच नाही, जमतं नाही,

किती ही प्रयत्न करा 

वेळच मिळत नाही

हे जमेल असं वाटतं नाही.

मुक्तछंद काव्या

मेघा...✍️✍️©️®️

ऋण

छंद मला समाजसेवेचा

आनंद मिळतो भरून पावते.

सुख दुःख वाटून घेते.

दुःखात साथ देते.

सल मनातील समजून घेते.

प्रेमानी विचारपूस करते.

प्रेमाचे दोन शब्द बोलून 

आधार देते.

मनाला त्यांच्या धीर देते.

भावना समजून सल्ला देते.

छंद हा आयुष्यभर जपायचा आहे.

समाज सेवेलाच वाहून घ्यायचे आहे.

मरणोत्तर पण अवयव दान करून

समाजच ऋण फेडायचे आहे.

हिच सदसंस्काची शिदोरी

पुढच्या पिढीला पण द्यायची आहे.

मुक्तछंद काव्या

मेघा...✍️✍️©️®️

छंद

छंद हा जोपासावा

मन त्यात रमून जावं

सुखाचे चार क्षण 

छंदात मिळावे.

मनातील दुःख त्यात

विसरून जावे.

सुखाची एक लहर त्यात 

येवून जावी.

आनंदाने मन भरून यावे.

मुक्तछंद काव्या

   मेघा...✍️✍️©️®️

आभास

सखी स्वप्नात जगता जगता

आभासी दुनियेत जगू लागलो.

जनी स्थळी पाषाणी तुझेच 

भास होऊ लागले.

वेड्यासारखं तुझ्या प्रेमामागे

धावू लागलो.

तुझ्या एका भेटीची प्रतिक्षा 

करू लागलो.

तुझ्या एका मिठी साठी तरसू लागलो.

तुझ्या रसरशीत गुलाबी ओठांच्या  चुंबनासाठी वेडा होऊ लागलो.

तुझा आभास हा भास हा छळतो मला

मुक्तछंद काव्या

   मेघा...✍️✍️©️®️

स्वप्न

राणी किती ग त्रास देशील

स्वप्नात माझ्या येऊन 

किती छळशील

सत्यात ही मग मला 

तुझेच भास होतात.

आभासी या दुनियेत मग 

मी जगत जातो.

तुझ्यात मी गुंतून जातो.

तुझ्या प्रेमात मी वेडा होतो.

मुक्तछंद काव्या

  मेघा...✍️✍️©️®️

शरणागती {अलक कथा}

ते एक सुखी समाधानी कुटुंब होतं

लाॅकडाऊन काळात त्यांची नोकरी गेली

नविन नोकरी मिळणं अवघड होत.

साठवलेला पैसा व होत नव्हतं ते सर्व खर्च झाले. लॉकडाऊन नंतर तिने कशीबशी

ओळखीच्या भाजीच्या दुकानात भाजी निवडून द्यायची छोटीशी नोकरी पत्करली.

तो मात्र रोजच नोकरी साठी वणवण करू लागला.

त्यातच टेन्शन मध्ये तो एकदा दारू पिऊन आला. असं रोजच सुरू झालं. तसा तो चांगला विचारी होता. पण टेंन्शन मुळे दारू कडे वळला होता.

एकदा असाच दारू पिऊन आला आणि

विचार करत बसला काय हे आपण असं नव्हतो. एक थेंब ही कधी दारू न पिणारा मी

रोजच सकाळ संध्याकाळ दारू पिऊ लागलो.

विचार करत करत घरीच थांबला 

बायको आल्यावर तिची माफी 

मी पण उद्या पासून काही तरी छोटं काम बघतो.

ती खूश झाली व म्हणाली आमच्या दुकानात

घरपोच भाजी टाकण्याचं काम करणार का

तो हो म्हणाला उद्या पासून आपण दोघ एकत्र जाऊ एकत्र येऊ.

असं करत तो त्या भाजीच्या धंद्यातील सर्व खाच खळगे समजून घेतले.

आणि आपलं स्वत:च भाजीचं दुकान थाटले.

त्याची स्वच्छ ताजी निवडलेल्या घरपोच भाजीच्या दुकानाला बराच प्रतिसाद मिळाला. व एक मोठा भाजी विक्रेता म्हणून नावारूपाला आला.

आज तो एक ताज्या निवडलेल्या भाजीचा कारखानदार आहे.

हे सर्व विचार करून त्याने बायकोशी संवाद साधला.व दारू वर शरणागती पत्करली

म्हणूनच हे शक्य झालं.

मुक्तछंद काव्या

  मेघा...✍️✍️©️®️

संवाद

राणी तुझ्या हट्टा पुढे मला

शरणागती पत्करायलाच हवी.

मला माहित आहे.नाहीतर 

तू तुलाच स्वतःला त्रास करून घेणार

गप बसून न बोलता तू 

तुझी रोजची सगळी कामं व्यवस्थित 

न बोलता पार पाडणार

तुझ गप बसणं हिच खूप 

मोठी शिक्षा असते ग आणि 

तिचं शांतता मला सहन होत नाही.

बोल तुझे काय म्हणणे आहे.

ऐकायला मी तयार आहे.

तुझ्या हट्टी स्वभावा पुढे

संवादाची पताका फडकावतो.

मुक्तछंद काव्या

  मेघा...✍️©️®️

बहाणे

वेडू किती रे प्रेम करशील

आपल्या प्रेमाला काय उपमा देऊ

अबोल आपल्या प्रेमात

उमेद जगण्याची देऊन

आपुलकीची साथ संगत 

मला कायम करतो.

जीवनाच्या या खेळात

तू जिंकून ही माझ्यासाठी हरतो

मी हरून ही जिंकली सांगून

जगण्यास बळ मला देतो.

किती रे बहाणे करतो.

मुक्तछंद काव्या

  मेघा...✍️©️®️

खेळ

जीवन एक सारीपाट 

आपण खेळ मांडायचा

आपल्या मांडलेल्या खेळांचे

नियम ठरवणारी नियती असते.

किती ही जिंकलो किती ही हरलो

तरी शेवटी नियती ठरवते.

कोण जिंकले कोण हरले.

कधी जिंकून ही हरतो.

कधी हरुण ही जिंकतो.

हा नियतीचा खेळ असतो.

शेवटी रिमोट कंट्रोल नियतीच्या

हातात असतो.

मुक्तछंद काव्या

   मेघा...✍️✍️©️®️

उमेद

प्रेयसी ये ग परत आपल्या

त्या जुन्या वळणावरती

तुझी वाट पाहतो आहे.

उमेद नवी घेऊन

पुन्हा नव्या उमेदीने जगायला

पुन्हा एकदा नव्याने डाव मांडायला

झालं गेलं सोडून दे.

प्रेमाच आपलं गणित अधिक करू

राहिलेले हातचे मिळवून टाकू.

आपुलकी ही जुनी ठेवू.

मुक्तछंद काव्या

मेघा...✍️✍️©️®️

चर्चा{ (अलक कथा)}

ती एक साधी सरळ मुलगी होती.

आपण भलं आपलं काम भलं 

शिक्षण साठी पाटलांच्या शेतात काम करायची.

पाटलांचा मुलगा शिक्षणासाठी बाहेर गावी होता.

सुट्टीच्या निमित्ताने तो गावाकडे आला होता.

तो सहज फेरफटका मारायला शेतात गेला.

तिला पाहायल ती त्याला आवडली.

तो मनाशीच बोलला गावरान ते गावरानच

तो तिच्या सोबत बोलायला गेला.

तिने त्याला जास्त भाव दिला नाही.

आपल्याच कामात गु़ंग होती.

त्याला राग अनावर झाला.

त्याला तो अपमान सहन झाला नाही.

त्याचा बदला घ्यायचा म्हणून तो शेतातच थांबला.

ती विहिरी कडे गेली असता तिला गाठून

तिच्या वर बलात्कार करून मोकळा झाला.

दोष कोणाचा हे न बघताच तिच्या नावाची चर्चा सगळीकडे होत होती. 

मुक्तछंद काव्या

मेघा...✍️✍️©️®️

दोष

वेडू आता चर्चा करण्यात 

काही रस नाही.

नियतीला मान्य नव्हते

आपल एकत्र येणं.

आपल्या नशिबाचा खेळ मांडून

आपल्याला वेगळं करून 

नियती गेली निघून.

जे काही व्हायचे ते होऊन गेलं

जे आता आहे ते स्विकारून

पुढे जायचं आहे.

दोष कोणाला द्यायचा नाही

दोष तुझा होता ना दोष माझा होता.

प्रेम केल्याच फक्त प्रायश्चित होत.

मुक्तछंद काव्या

  मेघा...✍️✍️©️®️

अनोळखी वाट

वेडू अनोळखी या वाटेवर

धरलास हात माझा घेतलेस मिठीत

सोबतीने चालायचे वचन मज दिले.

नवा डाव मांडून हात माझा

अर्ध्या वरती सोडलास का

मला दिशाहीन करून गेलास का

मी आता दिशाहीन वाऱ्याची

सोबत मागू पाहते.

अनोळखी वाटेवर तुझ्या 

पाऊलखुणा शोधू पाहते आहे..

मुक्तछंद काव्या

मेघा...✍️✍️©️®️

दिशाहीन

राणी तू हात सोडला साथ सोडली

आता आयुष्य दिशाहीन झाले.

एकटाच त्या दिशाहीन वाऱ्याची

सोबत मागत आहे.

आपल्या वाटेवर चालताना

तुझ्या आठवणी त्रास देतात.

म्हणून ओळखीची वाट सोडून दिली‌.

अनोळखी वाटेवर एकटाच चालू पाहतो.

मनाच्या प्रवाहा विरूद्ध जगतो आहे.

राणी तुझ्या विना जगणे 

आता दिशाहीन झाले आहे.

मुक्तछंद काव्या

  मेघा...✍️✍️©️®️

कष्टाची काळजी केली नाही (अलक कथा)

तिने कष्टांची तमा कधीच बाळगली नाही.

नवऱ्याच्या माघारी अहोरात्र दुसऱ्याच्या शेतात कष्ट करून

मुलाला उच्च शिक्षण दिले.  का तर तो शिकून सवरून मोठा साहेब होईल व आपले हे कष्टाचे दिवस संपतील.

कधीतरी आपले सुखाचे दिवस येतील

मुलांसोबत सुखाने चार दिवस राहता येईल.

म्हणून त्याला कधीच कशाची कमी जाणवून दिली नाही.

जे हवं ते जे मागायचा ते तिने कष्ट करून वेळेला स्वतःअर्धी भाकरी

खाऊन दोनच लुगडी वर्षभर वापरून

स्वतःची हौसमौज इच्छा आकांक्षा बाजूला ठेवून. त्यांच्या मागण्या पूर्ण केल्या.

कष्ट हेच माझं पंढरपूर काशी चारधाम यात्रा असं समजून स्वतःला कष्टात झोकून दिल.

व मुलाला मोठा साहेब बनवल.

तो उच्च शिक्षण घेऊन साहेब बनून 

तिला येथेच खेड्यात ठेवून निघून गेला.

आता ती द्वेष मनात न करता तमा न बाळगता स्वतःच्या अर्धी भाकरीसाठी कष्ट करते.

मुक्तछंद काव्या

   मेघा...✍️✍️©️®️

तमा

राणी तू सोबत असताना

मला कसलीच तमा नव्हती.

प्रत्येक गोष्टीची तू काळजी घेत होती.

संसाराच ओझं तुझ्या मुळे

खूपच हलकं झालं होतं.

प्रत्येक नातं तू मनापासून संभाळत होती.

कोणी काही बोललं तरी

तू कधीच कोणाचा द्वेष केला नाही.

कुठलीही अडचण आली तरी 

तुझ्या कडे उपाय होता.

जादूच्या झप्पी सारखी

ती अडचण तू लगेच सोडवायची.

आता मला हे सर्व सावरणं अवघड आहे.

मुक्तछंद काव्या

  मेघा...✍️✍️©️®️

ओझी

तुझ्या उद्वेगाची कल्पना

मला करवत नाही.

वेडू किती सांगू तुला समजावून

तुझ्या अडचणी आता तू सोडव.

प्रत्येक वेळेस मला गृहित धरू नकोस

तू तरी समजून घे रे माझ्या मनाला

तुला साथ कायम देईल

सोबत माझी राहिलं रे

अपेक्षा मात्र ठेवू नकोस.

तू आणि मी जीवनाच्या वाटेवर 

आता एकटच चालायचं आहे.

मला माझीच ओझी आता झेपत नाही.

मुक्तछंद काव्या

  मेघा...✍️✍️©️®️

कल्पना

कल्पना कशा कशाची करती

कल्पनेच्या दुनियेत किती दिवस जगणार

ये ग कधीतरी तुझ्या कल्पनेच्या 

दुनियेत तून बाहेर.

सत्यात बघ जरा काय चालू आहे.

सत्यातल जग वेगळं आहे.

कल्पनेची ओझी किती दिवस वाहणार

मुक्तछंद काव्या

  मेघा...✍️✍️©️®️

एकांत

तुझ्या जाण्याने एकांत मला छळतो रे

शांत अशा घरात मन रमत नाही.

तुझी ती पहाटेपासूनची लगबग

माझ्या मध्ये लुडबुड करणे.

तो दिवसभर रेडिओचा आवाज

झोपाळ्यावर तुझं झुळत बसणे.

तुझ्या जाण्याने सगळं सगळं शांत झालं

एकटीच बसते विचारांच्या चक्रात

स्वतःशी संवाद साधत.

मुक्तछंद काव्या

मेघा...✍️✍️©️®️

संवाद

एकांत मला नकोसा वाटतो.

तुझ्या आठवणीत स्वतःशी संवाद साधतो

तू गेल्यावर निद्रादेवी ही रुसून गेली.

त्यामुळे तुझ्या आठवणीत रात्र रात्र घालवतो.

रातकिड्यांची किरकिर असते.

दूर कोठे तरी कुत्र्याचे केकाटणे चालू असते.

सोबतीला रातराणीचा सुगंध दरवळत असतो.

शशी ही माझी मजा बघत हसत असतो.

चांदण्या लुकलुक करून पाहत असतात.

चाफा उमलण्याची वाट पाहत असतो.

पहाटेच्या रवीला हाक देत असतो.

कोवळी सूर्यकिरणे सोबतीला घेतो.

स्वतःशी संवाद साधत एकटाच फिरत असतो.

मुक्तछंद काव्या

  मेघा...✍️✍️©️®️

तुझ्या विना जगणे

तुला कसं सांगू राणी तुझ्या विना

जगतो कसा 

ह्या वेडूची तू वेडी राणी ग

तडफडतो हा वेडा तुझ्या शिवाय

जसा पाण्याविना मासा

जाऊन सांगा तिला सगळे

शेवटचा श्वास घेत आहे.

तुझ्याच साठी जीव अडकला आहे.

तुला एकदा पाहण्यासाठी तळमळतो आहे.

तुझ्या विना घडत नाही काही वेगळे.

मला आता कळले आहे.

तुझ्याविना जगणे मी भोगले आहे.

मुक्तछंद काव्या

  मेघा...✍️✍️©️®️

तुझ्या विना

सखे तुझ्या विना शिकलो जगायला

समुद्रकिनारी एकटाच लाटा मोजत बसतो.

खिडकीतून चांदण्याची लुकलुक पाहतो.

चंद्र ला प्रेमाची कबुली देतो.

रवीच्या सोनेरी किरणांची अनुभूती घेतो. 

पावसाच्या सरी एकटाच अंगावर घेऊन

गरमागरम कांदाभजी चहा घेतो.

चाफ्याच्या फुलांची उधळण करतो.

बागेत जाऊन एकटाच छान फेरफटका मारतो.

तुझ्या आवडीच मस्त आईस्क्रीम खातो.

गणपती मंदिरात जाऊन एकटाच ध्यानधारणा करतो.

गॅलरीत झोपाळ्यावर एकटाच

हळूवार झोके घेत वाचण्याचा आनंद लुटतो.

हे झुळझुळ वाऱ्या हळूच मंजूळ शीळ घालून

जाऊन सांग तिच्या कानी सगळे 

तुझ्याविना घडत नाही काही वेगळे

जगतो आहे तसाच पूर्वी सारखा

एकटाच तुझ्या आठवणीत.

तू ये लवकर सहन होत नाही हा दुरावा

मुक्तछंद काव्या

  मेघा...✍️✍️©️®️

गुंता न गुंतता

सखी सांगना गुंता हा कसा सोडवावा

तुझ्या मोकळ्या केसात गुंतलो

तुझ्या टपोऱ्या डोळ्यात गुंतलो

तुझ्या गुलाबी ओठांत गुंतलो

तुझ्या गालावरच्या खळीत गुंतलो

तुझ्या हनुवटी वरच्या तीळात गुंतलो

तुझ्या गोऱ्या रंगात गुंतलो

मी गुंतून तुझ्यात गुंग झालो.

सांग ना गुंतून न गुंतता कसं राहावं.

मुक्तछंद काव्या

मेघा...✍️✍️©️®️

गुंता

वेडू मी तुझ्यात किती रे गुंतले

तुझ्या शिवाय चैन पडत नाही.

उठता बसता खाता पिता

तुझाच तर विचार करते.

माझ्या वेडूला हे आवडेल का

ते आवडेल का

तुझ्यात पूर्ण गुंतून 

गुंता वाढत चालला आहे.

आता या आयुष्याच्या सांजवेळी

गुंता हा सोडवावा वाटे

तुझ्यात गुंतून न पडता.

मुक्तछंद काव्या

मेघा...✍️✍️©️®️

स्वतःला कसे शोधावे

मी माझ्यात रमावे

माझ्यात रमता रमता

तुझ्यात हरवून जावे

तुझ्यात हरवता हरवता

तुझ्या डोळ्यात मला पहावे.

तुझ्या डोळ्यात हरवून

तुझ्या हृदयात बसावे

तुझ्या हृदयात बसून

तुझ्यात एकरुप व्हावे

तुझ्यात एकरुप होऊन

तुझ्यात धुंद व्हावे.

तुझ्यात धुंद बेधुंद झाल्यावर

माझ्यात मी सांग बरे

स्वतःला कसे शोधावे.

मुक्तछंद काव्या

मेघा...✍️©️®️

शोधते

एकटी असताना मी माझ्यातच रमावे

वेडू आपल्या प्रेमाच्या आठवणीत 

धुंद व्हावे.

आपले ते प्रेमाचं दिवस आठवावे.

आपल ते एकमेकांना चोरून पाहण

तुझी वेळ झाली की

तुझ्या वाटेकडे डोळे लावून बसणे

तुला पाहताच समाधान होणे.

ते किती छान दिवस होते.

आता मी तुझ्या माझ्यात मी स्वत:ला

शोधते.

मुक्तछंद काव्या

  मेघा...✍️✍️©️®️

तुझा आधार

तुझा मला आधार होता.

तो वर कसलीच भीती नव्हती.

तुझा हात हाती होता 

तो वर कसलीच काळजी नव्हती.

तुझी साथ सोबत होती

तो वर कशाचीच गरज नव्हती.

आता काहीच इच्छा नाही.

आता आनंदाने शेवटच्या

प्रवासाला जायचे आहे.

हसतखेळत सरणावर चढायचे आहे.

आता मरण हेच जीवनाचे सार आहे.

मुक्तछंद काव्या

मेघा...✍️✍️©️®️

स्वप्नांची दुनिया

स्वप्नांच्या दुनियेत जगतो आहे.

स्वप्नांचा तर मला आधार आहे.

नवरंगी स्वप्न स्वप्नातील

तू माझी स्वप्नं सुंदरी

हळूवार तुझं स्वप्नात येणं

कपाळाच गोड चुंबन घेणे.

तुझ्या दुनियेत अलगदपणे

मला घेऊन जाणं.

किती सुंदर वाटतं हलकं हलकं

तुझ्या सोबत हळूवारपणे अलगद

तुझ्या दुनियेत शिरणं

असं वाटतं तेथेच

तुझ्या सोबत आयुष्यभर राहावे.

ना कसली चिंता ना कसली काळजी

तुझ्या त्या स्वप्नांच्या दुनियेत छान जगतो आहे.

हेच जीवनाचे सार आहे.

मुक्तछंद काव्या

  मेघा...✍️✍️©️®️

अनोखा सोहळा

१४ डिसेंबर रोजी झाली.

भेटीचा एक अनोखा सोहळा झाला.

ते म्हणजे आपल्या प्रतिलिपी वरील 

माला ताई सबनीस

म्हणजे माझ्या लाडक्या माला मावशी बरं का

मला आठ दहा दिवसा पूर्वीच

माला मावशीचा  मला फोन आला.

मेघा आपण चार पाच जण माझ्या घरी 

एकत्र भेटायच आहे.

तू ,दत्ताभाऊ सांवत, दत्ताकाका जोशी बुवा,

तेजस लिमये.

बापरे एवढ्या मोठ्या साम्राज्याच्या सोबत आपण पण त्या यादीत.

मी १४ तारखेची प्रतिक्षा करत होते.

मी सकाळी लवकर लवकर आवरून

तयार झाले.

तेजसचा फोनला मेघा ताई मी जाता जाता

तुला घ्यायला येतो.

आपण एकत्रच जाऊ

दत्ता भाऊ तेथे पोहचले मग आम्ही पण पोहचलो.

थोड्यावेळाने बसून शर्मिलाने जेवायची तयारी केली.

जेवणाचा बेत खूपचं छान होता.

बटाटे पराठे, कटलेट, व्हेज बिर्याणी, कोशिंबीर, गाजराचा हलवा, असा सुंदर बेत होता.

हसतखेळत पोटभर जेवण केले.

मग छान आठवणी जाग्या झाल्या.

माला मावशीच्या बाबांचे हस्त अक्षरातील

पत्र वाचले बाबांचे 



खूप सुंदर विचार होते. बाबांनी त्या काळात ही त्यांनी मुलींना छान शिकवले

त्या काळात पण माला मावशीना नर्सिंगच्या कोस॔ला घातलं.

कुठल्याही मुलींची लग्नाची घाई केली नाही.

बाबांचे किती सुंदर विचार होते.

त्याकाळात माला मावशीच लव्ह मॅरेज झाले.

त्याला ही त्यांच्या घरातील सर्वांची परवानगी होती.

आमच्या ही सर्वांच्या आठवणींना छान उजाळा मिळाला.

शर्मिलाचा स्वभाव पण खूप सुंदर आहे.

शर्मिला पण आमच्या मध्ये छान जुनी मैत्रीण

असल्या सारखे छान गप्पा मारल्या.

गप्पा झाल्यावर मग छान जायफळ घालून मस्त गरमागरम कॉफी झाली.

मग छान भेटवस्तू गिफ्ट दिल्या.

माला मावशीचे भरभरून आशीर्वाद घेऊन भरल्या डोळ्यांनी भरल्या मनानी 

जड अंतःकरणाने जड पावलांनी तेथून निघालो.

असा हा अनोखा सोहळा

सुवर्ण दिन साजरा झाला.

मुक्तछंद काव्या

  मेघा...✍️©️®️



माझे मलाच छळले

सखी तू मला सोडून गेल्या पासून

मी माझे मला कोंडून घेतले आहे.

माझा असा काय ग गुन्हा होता.

जीव लावलेल्या तुजसाठी

जीव ओवाळून टाकण्याऱ्या

माझ्यासारख्या प्रेमळ

माणसाला का सोडून गेली.

जाता ना कारण पण सांगितले नाही.

या तुझ्या अशा अचानक

सोडून जाण्याने माझे

विचार सारे उधळले होते.

मी माझे मला छळले होते.

मुक्तछंद काव्या

  मेघा...✍️✍️©️®️

समजून उमजून घे

मी माझे म्हणणे लादत नाही

कधीतरी माझं समजून घे ना

कधीतरी उमजून घे ना

मला नको रे गाडी बंगला 

सुखसुविधानी भरलेलं घर

मला हवं आहे

तुझं ते पूर्वीच निरागस प्रेम

तुझं भुणभुण करत

माझ्या मागेमागे फिरणं

मला समजावून घेणारा

तुझ्या हातचा तो गरमागरम चहा

आपण एकत्र जेवणं करणं

सुट्टीच्या दिवशी आपल्या

छोट्याशा टु व्हीलवर 

मस्त फिरून येण.

चाफ्याची फुले घेणे.

त्या फुलांची माझ्यावर 

धुळण करणे

किती किती मजा यायची

आता बास झालं रे

सगळी जबाबदारी संपली

वाटेवरच्या शेवटच्या संध्याकाळी

मला तो पूर्वीचा तू हवा आहेस.

आयुष्याची राहिलेली संध्याकाळ

आता पुन्हा पूर्वी सारखी एकत्र घालू

मी माझं म्हणणं लादत नाही पण

मला आता पूर्वीचा तू हवा आहेस.

समजून घे ना

मुक्तछंद काव्या

मेघा...✍️✍️©️®️

समजून घे

राणी तू माझे काहीच का 

समजून घेत नाही.

अग माझी राणी बाहेर पड ग 

दुःखातून कितीदा सांगितले.

आता मोकळी होऊन वावरत जा.

जरा डोळे उघडून बघ

स्वतःकडे स्वतःची काय अवस्था 

करून घेतली आहे.

नीटनेटकेपणे राहायला लाग.

चारचौघात उठबस सुरु कर.

दुःखाला किती दिवस कुरवाळत

बसणार आहे.

पूर्वी सारखी परत 

हसती खेळती हो.

मी माझे म्हणणे लादत नाही ग

तू मला समजून घेत नाही.

तुझ्या चांगल्या साठीच सांगतो आहे.

एकलकोंडी राहून डिप्रेशन मध्ये 

जाऊ नकोस ग.

मुक्तछंद काव्या

मेघा...✍️©️®️

प्रेम उमलत आहे

वेडू आता तुझं 

प्रेम काहीसे उमजत आहे.

आता कुठे जीवन

उजाडत आहे.

उमजलेल्या या प्रेमात

साथ मला देशील ना

उजाडलेल्या या जीवनात

सोबत मला करशील ना

नकोत मला चॉंद तारे

चाफ्याची फुले देशील ना

मुक्तछंद काव्या

{हि रचना काल्पनिक आहे}

मेघा...✍️✍️©️®️

उमलत आहे

अंधाऱ्या या कुडकुडणाऱ्या रात्री

आता कुठे उजाडत आहे.

रवी तुझं उजाडणे

आता काहीसे उमजत आहे.

आता तुझं महत्व समजत आहे

रवी तुझ्या येण्याने जीवसृष्टी

प्रसन्न झाली आहे.

थंडीच्या हुडहुडीत तुझी कोवळी

किरणे अंगावर ऊब देत आहे.

थंडीची हुडहुडी आता कोठे

थोडी कमी होत आहे.

आता मनाला ही थोडं

तजेलदार वाटत आहे.

मुक्तछंद काव्या

मेघा...✍️©️®️

उमलत

आता काहीसे उमजत आहे

चाफा आता उमलत आहे.

सुगंध त्याचा दरवळत आहे.

त्यांच्या त्या सुगंधाने

मन जरा उजाडत आहे.

प्रसन्न थोडं वाटत आहे.

मुक्तछंद काव्या

मेघा...✍️✍️©️®️

तिचा संकल्प

काळ्याकुट्ट अंधारात

एक ज्योत तेवत होती

तिला पाहून मी पुन्हा नव्याने

जगायचा संकल्प केला.

शशीने दिली साथ

चांदण्यांनी केली बरसात

मला साथ द्यायला 

पुन्हा नव्याने सुरुवात करायला

नविन दिवस घेऊन

रवी ही उत्साहाने आकाशी उगवला

आपल्या सोनेरी किरणांनी

मला न्हाऊ घातले.

संकल्प तडीस न्यायचे

वचन मज कडून घेतले.

मुक्तछंद काव्या

मेघा...✍️✍️©️®️

संकल्प

राणी संकल्प आता मी केला.

आता फक्त आपल्या दोघांन 

साठी जगायचं म्हणून

झालं गेलं विसरून जायचं

पुन्हा नव्या उमेदीने जगायचं

कोणाला काय बोलायचं बोलू दे.

राणी जगायला साथ मला देशील ना

मला समजावून घेशील ना

प्रेम मला देशील ना

आता झालं किती राहिले

किती गेले चार गेले दोन राहिले

आनंदाने जगायचे आहे.

राहिले दिवस सुखात काढायचे आहेत.

जगाचा विचार करायचा नाही.

पुन्हा नव्या सुरुवात करायची.

मुक्तछंद काव्या

  मेघा...✍️✍️©️®️

द्वेषाची ठिणगी

द्वेषाची एक ठिणगी पुरेशी होती.

तुझ माझ प्रेम संपवायला

प्रेयसी तू असं न सांगता का सोडून गेली.

माझं इतक्या वर्षांच प्रेम अस

क्षणात का लाथाडून गेलीस.

तुला कसंच काही वाटलं नाही.

पेटलेल्या तुझ्या मनात

माझ्या बद्दल करुणेला ही 

जागा नव्हती.

मी तळमळतो ग तुझ्या भेटीसाठी

तुला पाहण्यासाठी

तुझ्या एका मिठीसाठी

बघ जमलं तर शेवटचं 

माझ्या सरणावर येऊन 

दोन अश्रू ढाळून जा.

निपचित पडलेल्या या देहाला 

एक शेवटीची मिठी मारून जा.

मुक्तछंद काव्या

  मेघा...✍️✍️©️®️

  

द्वेष अलक कथा

तापलेल्या त्यांच्या मनाला तिच्या साठी

द्वेषाची एक ठिणगी पुरेशी होती.

तिचा काय गुन्हा होता. तुझ्या सारख्या व्यसनाधीन माणसाचा संसार करत होती.

तुझ्या आई वडीलांना संभाळत होती.

व्यसनामुळे तुझं डोकं आणि मन जागेवर होत का

दुसऱ्याच्या सांगण्यावरून तू तुझं डोकं व मन तापून घेतलं होतं. तुझी बायको असूनही तुझ्या पेटलेल्या रानात तिच्या साठी करुणेला

जागा नव्हती.

तिच्या शरीराची व मनाची लक्तरे काढून 

तिला आत्महत्ये साठी प्रवृत्त केले.

तुझ्या सोबत एकनिष्ठेने संसार करायच

चांगलं फळ तिला दिलं.

मुक्तछंद काव्या

  मेघा...✍️✍️©️®️

मौनाची भाषा

मौनाची भाषा मौनाला ना कळली.

कशी ही नशीबाने थट्टा आज मांडली.

समजावून उमजून शांत का उभा होता.

प्रेमाची कबुली द्यायला

तुला कुठला लागतो रे मस्का

म्हणणे माझे इतुकेच होते.

तू सांगायला हवे होते.

जीवनाच्या वाटेवर एकत्र 

चालायला हवे होते.

सुखाच्या सावलीत परमोच्च 

झालो असतो.

मौनाने तुझ्या घात रे केला

एकत्र येण्याआधीच

कोसो दूर गेलो.

मुक्तछंद काव्या

मेघा...✍️©️®️

मौन

मौन तुझे बोलके होते

डोळ्यातील भाव मी जाणले होते.

प्रेमाची भाषा मला कळली होती.

डोळ्यात तुझ्या वाचले होते.

तुझ्या बोलण्याची वाट 

मी पाहत होतो.

काहीच न बोलता

दुसऱ्याची कशी झाली.

प्रेम तुझ्यावर आहे

एकदा तरी बोलायचं होतं.

म्हणणे माझे इतकेच होते.

मुक्तछंद काव्या

    मेघा...✍️✍️©️®️

प्रेमाचा वाद

रात गई बात गई

देऊ सोडून रात्रीच भांडणं

वाद आता वाढवू नकोस.

चहा देतो तुला हवा तसा

कमी साखरेचा गरमागरम

लवकर कर डबा आॅफिसला पळतो.

तुझ्या साठी येताना आणतो

चाफ्याचा गजरा

तो पर्यंत तू मनातील

कटुता कुटुन कुटुन बारीक कर

संध्याकाळी हसतखेळत फिरायला जाऊ

बाहेरचं मग जेवण करून येऊ

भरपेट वर आईस्क्रीम खायला घालतो.

सर्दी झाली की काळजी ही घेईन

प्रेमानी तुला जवळ घेतो.

अजून काय करू राणी

मला सांग इच्छा तुझ्या पुऱ्या करतो.

आता तरी रुसवा सोड ग राणी

रात्रीच भांडणं मिटव ग राणी

राणी आता कुटुता संपव ग 

मुक्तछंद काव्या

मेघा...✍️✍️©️®️

वाद

सखे वाद हा किती आत्ता वाढवते.

वाद वाढवून न बोलून

तू काय सिध्द करणार आहे.

दुसऱ्याने सांगितलेले ऐकून

माझ्या बद्दल मनात किती कटुता 

साठवून ठेवणार आहेस.

एकदा भेट स्पष्ट सगळं बोल

तुझ्या सर्व प्रश्नांची उत्तरे मी देईल.

मिटवून टाक वाद सगळे

मनातील कटुता काढून टाक‌.

मुक्तछंद काव्या

मेघा....✍️©️®️

शिकणे

सतत कामात राहावे 

माझ्या कामात मीच

स्वतःला अडकवून घेते

नविन खूप काही शिकते

नविन चांगले घडविण्यात

माझे सहकार्य असते.

उर्वरित आयुष्य जनकल्याण

सेवेसाठी घालवावे.

कोणाची मदत करून

सार्थकी लावावं.

त्यातून खूप काही नवनवीन शिकावं.

मुक्तछंद काव्या

मेघा...✍️✍️©️®️

गुंतणे

तुझ्या प्रेमाच्या खोट्या जाळ्यात

मला यात अडकायचे नाही

तुझ्या मध्ये मला गुंतवायचे नाही.

तुझ्यात गुंतवून माझे विचार

मला खुडायचे नाहीत.

मी स्वतंत्र विचारांची स्त्री आहे.

मला उंच भरारी घ्यायची आहे.

नविन काही घडवून

नाव मोठं करायचं आहे.

घरच्यांना अभिमान वाटेल

अस मला काही करायचं आहे.

मुक्तछंद काव्या

    मेघा...✍️✍️©️®️

काहीच न कळावे

कितीदा तुला असे हे सांगावे

आई वडील घराचा पाया आहेत.

वृद्ध झाली म्हणून का झाले

तुझेच तर आई-बाबा आहेत.

त्रास देतात थोडा 

वयोमानानुसार सांडलवड होते.

ऐकायला थोडं कमी येत.

हळूवार पणा येतो.

तब्येत पूर्वी सारखी साथ देत नाही.

तू घे ना थोडं समजून.

तू ही होता लहान तेव्हा 

ते ही घेत होते ना समजून

तुझे हौसेने कित्तीतरी केले लाड 

तुझे सगळे हट्ट पुरवले

हात धरून चालायला शिकवले

त्यांनी तुला मऊमऊ वरण भात 

खाऊ घातला.

तुझ्या साठी घोडा झाले.

तुटपुंज्या पगारात त्यांच्या इच्छा मारुन

तुला शिकवून साहेब बनवले.

विसरलास का रे सगळं

तिच्या मागेमागे फिरणं

आई-बाबा मैं हूं ना 

तुम्ही कशाला काळजी करता म्हणणारा

कोठे रे लुप्त झाल त्यांच 

ते निरागस कोकरू

तुझ्या घरात त्यांना राहू दे.

तुझ्या लेकरांना दुधावरच्या सायी

प्रमाणे जपतील.

त्यांचीपण ती नातवंडच 

त्यांना वळण छान लावतील.

तुम्ही निश्चिंत आॅफिसला जायला मोकळे.

तुला काहीच का नाही कळावे.

मुक्तछंद काव्या

मेघा...✍️✍️©️®️

कळलं

कितीदा तुला असे हे सांगावे

राणी तुझ्या वर प्रेम केलं होतं.

तुझ्यावर मरत होतो ग 

तुला प्रेमाची कबुली देण्याआधीच

दुसऱ्याचा हात धरून निघून गेलीस.

अबोल आशा माझ्या भावना 

तुझ्या चाणाक्ष बुध्दीला

कशा काहीच का नाही कळल्या.

मुक्तछंद काव्या

मेघा...✍️✍️©️®️

निष्पाप प्रेम

निष्पाप प्रेम केलं होतं

तू समजून घेतलेच नाही.

माझ्या निष्पाप प्रेमाला

दूर करून निघून गेला.

स्वतःचे असे आता

काही उरलेच नाही.

मुक्तछंद काव्या

मेघा...✍️✍️©️©️

निष्पाप

निष्पाप असे असतात रे

त्या छोट्या मुली

का रे राक्षसी वृत्तीने त्यांच्या 

शरीराची लक्तरे तोडता.

कसं रे काहीच वाटत नाही.

त्या मुक्या कळ्या फुले होण्याआधीच

कुस्करून टाकायला.

त्या निष्पाप मुलींन वर घाला घालून 

त्यांना ओरबाडून घ्यायला

आठवण का नाही येत 

तुमच्या आई बहीण मुलींची

स्वतःचे असे त्यांचे बालपण

स्वप्न उराशी बाळगून छान 

आनंदाने जगत असतात.

मोठ्यापणी स्वतःचे असे

काही त्यांना मिळवायचे असते.

पण त्यांचा स्वप्नांचा बेरंग केला 

गेलेला असतो.

मुक्तछंद काव्या

मेघा...✍️✍️©️®️

भाग्यवंत

कादाचित असेल मी भाग्यवंत

तुझ्या सारखा वेडू आहे ना 

माझा सोबती

तू सोबत असताना मी भाग्यवंत

तुझ्या कडे करतेच 

मी माझे मन मोकळे

तुझी साथ असताना

माझ्या पदरी सुखच सुख

चेहऱ्यावर जरा जरी दुःखाची 

छटा दिसता काळजी तू घेतो.

डोळ्यात माझ्या अश्रू दिसता

तू कासावीस होतो.

मी विचारात हरवताच

विचारातून मला दुर्लक्षित करतो.

मला हसण्यात तू माहिर आहेस.

तरी का जात नाही

माझ्या मनातील खंत

{ही रचना काल्पनिक आहे}

मुक्तछंद काव्या

मेघा...✍️✍️©️®️

खंत

कदाचित असेल मी भाग्यवंत

तुझ्या सारखी प्रेमळ प्रेयसी होती

तू जीवाला जीव देणारी राणी होती.

तू समजून घेणारी मैत्रीण होती.

तू सुखांची बरसात करणारी

सुख सागरीका होती.

तू माया लावणारी मायावती होती.

तरी का जात नाही मनातील खंत

मुक्तछंद काव्या

  मेघा...✍️✍️©️®️

तिच्या भावना

बेईमान झाल्या या भावना

कधी तरी येशील का

मला दूर देशी घेऊन जाशील का

दुःखाचे चटके सहन केले.

सुखांची बरसात करशील का

तुझ्या नजरेत मला जपशील का

तुझ्या हृदयात मला ठेवशील का

तुझ्या मनाच्या राज्यात 

माझी दखल घेशील का.

मुक्तछंद काव्या

मेघा...✍️✍️

पाऊस

मेघ पावसाचे हटेना

धुक्याची चादर सरेना

गार वारा झुळझुळ वाहतो

बोचरी थंडी पडत आहे.

रवी हा येईना मेघा आड दडून बसला

बेईमान हा झाला दखल काही घेईना.

वाट तुझीच पाहतो आहे.

तुझ्या किरणांची अनुभूती हवी आहे.

रवी मेघा आडून ये रे हसत हसत.

रंगाची तुझ्या उधळण कर

धुक्याची दुलई हाटव ना

स्वच्छ प्रकाश दे.

मुक्तछंद काव्या

  मेघा...✍️✍️©️®️

भावना

सखी बेईमान झाल्या या भावना

तुझ्या शिवाय जगतच नाही.

तुझ्या येण्याची वाट त्या पाहतात.

तुझं चंद्रमुख पाहण्यास त्या

तळमळतात

तुझ्या गुलाबी ओठांचे वेड 

त्यांना लागले आहे.

तुझ्या मनाशी संवाद

त्यांना साधायचा आहे.

एकांतात बसून प्रेम

तुझ्या डोळ्यात वाचायचं आहे.

हृदयाची धडधड तुझी ऐकायची आहे.

दखल भावनांची घेता येईना.

मुक्तछंद काव्या

  मेघा...✍️✍️©️®️

चांदण

शीतल अशी रात्र आहे

रातराणीचा सुगंध दरवळत आहे.

चांदणे मनोहर आहे.

चंद्र शोधतो आहे.

त्यांची शुक्राची चांदणी

मी शोधतो राणी तुला

चांदण्या रात्री साथ मला देशील का

हातात हात घालून

माझ्या सवे येशील का

तुझ्या मिठीत घेऊन धुंद 

मला करशील का

ओठात देऊन ओठ

माझी तू होशील का

तुझ्या चाफ्याच्या सुगंधात

मला घेऊन जाशील का

शीतल अशा रात्री

चांदण्यात मला न्हाऊ घालशील का

मुक्तछंद काव्या

मेघा...✍️✍️©️®️

शीतल रात्र

शीतल अशी रात्र आहे.

चांदणे ही टिपूर आहे.

तुझ्या सोबतीची साथ आहे.

तुझ्या मिठीत ही रात्र आहे.

वाराही हा थंड गार आहे.

तुझ्या सोबतीची उब आहे.

मुक्तछंद काव्या

  मेघा...✍️✍️©️®️

परिस्थिती अलक कथा

ती एक सुंदर स्वाभिमानी मुलगी होती.

वयाने लहान होती.

लहान वयात लग्न झालं.

छान सुरळीत सगळं चालू होत.

अचानक परिस्थिती बदली

आलेल्या परिस्थितीला एकटीच

टक्कर देत होती.

पण परिस्थिती तिच्या हाताबाहेर गेली.

काय करावे समजेना.

स्वतःला समजून सांगू लागली.

आता परिस्थिती बदलली आहे.

स्वाभिमान बाजूला ठेवून

जगायला पाहिजे.

तरच आलेल्या परिस्थितीवर

आपण मात करू शकतो.

जड अंतःकरणाने पाणलेल्या डोळ्यांनी

तिने तिचा स्वाभिमान बाजूला सारला

तो स्वाभिमान बाजूला सारताना

तिला काय त्रास झाला 

तो फक्त आणि फक्त

तिच्या मनाला माहित

स्वतःला समजून घेऊन

तिने मदत घेतली व

आपली परिस्थिती बदलली.

मुक्तछंद काव्या

मेघा...✍️✍️©️®️

स्वाभिमान

वेडू तुझ्या प्रेमात जगत होते.

तुझ्या स्वप्नात जगत होते.

तुझ्या अस्तित्वात जगत होते.

तुझ्या साठीच जगत होते.

स्वतःला समजून घेता घेता

तुला समजावू घेत होते.

स्वाभिमानाने जगत होते.

तुला साथ देत होते.

मुक्तछंद काव्या

मेघा...✍️✍️©️®️