स्वाभिमान (चारोळी)

माझं पहिलं प्रेम वेडू तू...

दुसरा स्वाभिमान होता माझा...

म्हणूनचं वेडू म्हणायचा...

वाटतो राणी अभिमान तुझा...

  मेघा...✍🏻✍🏻©️®️

प्रेम (चारोळी)

मन खरं तर सरणावर...

गेल्या वर जपलं जातं...

दुसरं प्रेम मरणावर करावं... 

असं खुपदा वाटून जातं....

मेघा...✍🏻✍🏻©️®️

दुसरं प्रेम

तुम्ही माझं पहिल प्रेम

दुसरं प्रेम माझं पिल्लू

तेच तर दुसरं प्रेम

आता माझा मोठा आधार आहे.

प्रेमाने मला विचारतो.

आजी मी सांभाळतो तुला

तू काळजी करू नकोस

मी आहे ना तुझं पिल्लू

तू रडू नकोस म्हणत माझे

डोळे पुसून गोड मिठी मारत

आणि रोज आज्जोना सांगतो

आज्जो परत या आजी रडती

तुमची आठवण काढते..

असं माझं काळजी घेणार

माझं पिल्लू दुसरं प्रेम...

मुक्तछंद काव्या

मेघा...✍🏻✍🏻©️®️

पहिलं प्रेम

वेडू पहिल दुसरं तिसरं 

अगदी शेवटच्या श्वासापर्यंत

तुच तर माझ प्रेम आहे..

प्रेमात कधीच पहिलं दुसरं नसतं..

प्रेम हृदयातील एक नस असते..

जरा जरी दुखावली गेली 

तरी हार्ट अॅटक येतो..

जेथे हृदयाच तुटून पडत 

तर कसं करणार दुसरं प्रेम..

वेडू म्हणून तुच माझ

शेवटच्या श्वासापर्यंतच प्रेम...

मुक्तछंद काव्या

मेघा...✍🏻✍🏻©️®️

गुन्हा (चारोळी)

गुन्हा तू करून गेला

खपली प्रेमाची काढून गेला

जखम उघडी करून गेला.

एकांत एकटीला सोडून गेला

मेघा...✍🏻✍🏻©️®️

चांदणी (चारोळी)

रात्र अंधारलेली होती...

तु अशी जवळी होती...

नभात शुक्राची चांदणी...

लखलखत होती...

मेघा...✍🏻✍🏻©️®️

गुन्हा कोणाचा

सख्या गुन्हेगार तू का मी रे..

असं अर्ध्यावर सोडून गेलास

सांग ना गुन्हा कोणाचा

तुझा कि माझा का माझ्या नशिबाचा

एकटीने राहणं काय असतं 

तुला कळणार नाही रे..

किती हि मुखवटा घातला

तरी मुखवटा मागचा चेहरा

जीव माझा जाळतो रे..

गुन्हा तर माझाच आहे

माझ्या नशीबाचा आहे.

खरी गुन्हेगार मी आहे.

म्हणूनच जळत जळत जगत आहे.

तू पुण्यवान होता म्हणूनच

या गुन्हेगारी जगाचा निरोप घेतला..

मुक्तछंद काव्या

मेघा...✍🏻✍🏻©️®️

अबोला

का रे दुरावा का रे अबोला

अपराध माझा असा काय झाला

बोलणा कोणत्या गुन्हाची

शिक्षा मला देतो.

तुझ्या वर विश्वास ठेवून

आनंदी राहून हसायला 

लागले हेच माझं चुकलं का?

मुक्तछंद काव्या

मेघा...✍🏻✍🏻©️®️

गुन्हेगार

वेडू तू माझा गुन्हेगार आहेस

प्रेमात मला अडकून

तू मात्र पसार झाला

सांग ना असा कोठे गेला

परतीचा रस्ता तुला

गवसला नाही..

मुक्तछंद काव्या

मेघा...✍🏻✍🏻©️®️

शब्दांची गुन्हेगार

शब्द मी रे तुमची गुन्हेगार.

एक एक शब्द मांडते

तरी तुम्ही छान 

अलंकारिक भाषेत सजवून 

शब्दांचे वाक्य बनतात.

ते वाक्यं कधी प्रेमात

तर कधी दुःखात

कधी निराशेत तर 

कधी अपेक्षेत मांडते

तरी तुम्ही छान 

एक मांडणीत बसून

सजवून घेऊन तुम्हाला तुम्ही

स्वतःला काव्य,मुक्तछंद,

चारोळी,कविता तयार करता...

मुक्तछंद काव्या

मेघा...✍🏻✍🏻©️®️

फुलांचा बाजार

फुलांचा बाजार 

भरला होता.

खूप सुंदर रंगबेरंगी 

फुले होती.

त्या फुलांचा सुगंध 

दरवळत होता..

मी मात्र वेडी 

चाफ्याची फुलाचा

सुगंध डोळे मिटून 

मनात भरून घेत 

उभी होते..

तो मात्र मला पाहून 

चाफ्याच्या फुलांची 

ओंजळ घेऊन माझ्या 

पुढ्यात उभा होता..

मुक्तछंद काव्या

मेघा...✍🏻✍🏻©️®️

सोहळा (चारोळी)

मरणाचा ही बाजार चालतो...

कौतुकाचे गोडवे गाऊन...

सरणावर सोहळा रचतात...

मार्ग हाच आपला जातात विसरून...

मेघा...✍🏻✍🏻©️®️

नयन (चारोळी)

आज ही बघते वाट...

वेडू तुझी बाजारात...

नयन शोधतात तुलाच...

गर्दीत त्या हजारात...

मेघा...✍🏻✍🏻©️®️

भावनांचा बाजार

आपल्या भावनाचा बाजार माणसाच्या बाजारात कधीच मांडू नये..

माणसाच्या बाजारात आपलं कोण परक कोण समजून उमजून घ्यावं कोणाच्या भावनांशी खेळ कधी खेळू नये.

कोणाच्या विश्वासाला तडा जाऊन देऊ नये

कोणाच्या भावनांच्या बाजार करून कधी कोणाला हसू नये..

कोणाच्या भावनाचा बाजार करून कधीच कोणाला दुखवू नये..

मुक्तछंद काव्या

मेघा...✍🏻✍🏻©️®️

प्रेमाचा बाजार (चारोळी)

आपल्या प्रेमाचा बाजार

मांडू नकोस रे...

जमत नसेल प्रेम

तर सोडून दे रे..

मेघा...✍🏻✍🏻©️®️

शब्द

शब्दांचा बाजार रोजच भरतो.

त्या शब्दांच्या बाजारात मी हरवून जाते.

किती ते शब्द किती ते अर्थ

शब्दांच्या बाजारात मुक्तछंद मांडते

मग सुटते लेखणी सुसाट

कल्पनेतील कल्पना मांडते

आजूबाजूला घडणाऱ्या घटना मांडते.

जे चालू आहे सत्य परिस्थिती ते मांडते

कोणाची व्यथा मांडते,कोणाची कथा मांडते.

कधी तरी माझंच मन मोकळं करते.

कधी माझीच स्वप्न मांडते.

असा हा शब्दांचा बाजार मांडते

त्या शब्दांच्या बाजारात मग मीच हरवून जाते.शब्द प्रामाणिक असतात म्हणून स्वतःलाच शब्दात गुंतवून घ्यायला छानच वाटत शब्दांची ना अपेक्षा असते शब्दांचा ना स्वार्थ असतो.

जसे मांडत जाऊ तसे सुंदर सुंदर शब्द सुचत जातात.असा हा शब्दांच्या बाजारात गुंतून जाते..

मुक्तछंद काव्या

मेघा...✍🏻✍🏻©️®️

आठवणीतील घड्याळ

सोनूने तुम्हाला दिवाळीला

घड्याळ भेट दिलं होतं.

तुम्ही ते घड्याळ हौसैने घालून

मिरवत होता.

आनंदाने व अभिमानाने 

सगळ्यांना सांगत होता.

मला सोनूने घड्याळ गिफ्ट दिलं

ते घड्याळ तुमच्या बापा लेकांचं

प्रेमाच प्रतिक म्हणून 

मी अजूनही जपून ठेवलं आहे.

मुक्तछंद काव्या

मेघा...✍🏻✍🏻©️®️

भेट प्रेमाची

मी भेट दिलेल घड्याळ

तुला प्रत्येक घडीला

माझीच आठवण करून देईल

त्या घड्याळच्या टिकटिक मध्ये 

तुला माझ्याच हृदयाची 

धडधड ऐकू येईल.

मेघा...✍🏻✍🏻©️®️

वेळ (चारोळी)

तू भेट म्हणून... 

सुंदर घड्याळ दिलं रे...

पण तू वेळ द्यायच... 

विसरला बघ रे...

मेघा...✍🏻✍🏻©️®️

घड्याळ

माझ्या आईची मैत्रीण कमला मावशी कुवेतला असायची तिने मला तेथून येताना एक खूप सुंदर अस घड्याळ भेट म्हणून आणले.

तेव्हा मी सहावीत होते खूपच सुंदर अस ते आयता कृती घड्याळ होते त्यात नंबर नव्हते. फक्त बाराचा एकच Xll नंबर होत ग्रे रंगाच त्याच डायल खूप छान होतं.

लेदरचा ग्रे कलरचाच त्यांच्या मॅचिग पट्टा होता. ते घड्याळ मला खूप खूप आवडलं होतं मी रोज ते घड्याळ वापरत होते शाळेत पण घालून जायची.

ते घड्याळ इतकं हलकं होतं हातात घातलं का नाही हे हि समजत नव्हतं. इतकं सुंदर ते घड्याळ होतं.

मी ते घड्याळ जवळजवळ पंचवीस वर्षे वापरलं ते सहजच चुकून एकदा कोणाकडून तरी पडलं.आणि त्याचा बॅलन्स गेला. ते काही दुरुस्त झालं नाही. खूप प्रयत्न केले. पण कोणालाच जमले नाही.

मला तेव्हा खूप वाईट वाटले मी रडले ते घड्याळ परत दुरुस्त होणार नाही ऐकल्यावर

मी त्या नंतर घड्याळ वापरणं सोडून दिले.माझ्या मुलाने मग मला माझ्या पन्नासाव्या वाढदिवशी छान नाजूक टायटनच घड्याळ भेट दिलं तरी त्या घड्याळाची सर या घड्याळाला नाही.

मी हे घड्याळ वापरते. पण अजूनही मला त्याचं घड्याळाची आठवण येते. असं सुंदर मावशी ने भेट दिलेल घड्याळ माझ्या आठवणीत कायम राहिलं...

मुक्तछंद काव्या

  मेघा...✍🏻✍🏻©️®️

श्वास (चारोळी)

वेडू तू येण्याची...

प्रतिक्षा आता संपली रे...

शेवटची घटका मोजत आहे...

श्वास हि आता संपतील रे...

  मेघा...✍🏻✍🏻©️®️

तुझी प्रतिक्षा

त्या वळणावर जेथे

तू मला पहिल्यांदा दिसली होती.

तेथेच त्या वळणावर

मी अजूनही येतो ग

तुझी प्रतिक्षा करत उभा असतो.

ये ग लवकर राणी

भेट ग तेथेच त्या वळणावर

जेथे सहजच आपली

नजरानजर झाली होती.

आणि मी तुझ्या त्या टपोऱ्या 

डोळ्यात हरवून गेलो होतो...

मुक्तछंद काव्या

मेघा...✍🏻✍🏻©️®️

निशाची प्रतिक्षा

तुझ्या प्रतिक्षेत रात्र रात्र

जगून मी काढते

लवकर काही तू येत नाही.

जागरणाचा त्रास होऊन

मग वाढते माझी अॅसिडिटी

काय एवढं त्रास देते.

वेळेत येत जा ग निशा राणी

मुक्तछंद काव्या

मेघा....✍🏻✍🏻©️®️

स्वप्न

प्रतिक्षा करते रे सत्यात नाही 

स्वप्नात तरी येशील का?

तुझ्या गोड मिठीत घेशील का?

माझ्या डोळ्यात तुझे स्वप्न पाहून 

काही तरी बोलशील का?

मुक्तछंद काव्या

मेघा...✍🏻✍🏻©️®️

प्रतिक्षा (चारोळी)

प्रतिक्षा आता संपली रे...

वाट पाहून थकले शरीर रे...

नयनी अश्रू हि सुकले रे...

मी आता हतबल झाले रे...

  मेघा...✍🏻✍🏻©️®️

वेडे मन

वेडू तुझी कितीही प्रतिक्षा केली 

तरी तू येणार नाही.

मला माहित आहे रे

पण हे वेड मन कुठे ऐकत

रोज तुझीच प्रतिक्षा करतं

जळी स्थळी पाषाणी तुलाच शोधत.

किती हि समजावलं तरी ते कोठे ऐकत तुझ्याच स्वप्नात गुंतून 

तुझंच होऊन जातं

या वेड्या मनाला किती सावरू

पण ते तर तुझ्याच प्रतिक्षेत

हरवलेलं असतं..

मुक्तछंद काव्या

मेघा...✍🏻✍🏻©️®️

प्रेम

प्रेमाचे दिवस आता संपले

विरहाचे दुःख फक्त राहिले

आठवणीत जगणे आहे.

तुझ्या नसण्याची दुःखाची

तिरीप शेवटच्या श्वासापर्यंत 

कायम राहिलं. तुझे प्रेम आठवत

श्वासात श्वास आहे तोवर जगणे आहे.

मुक्तछंद काव्या

मेघा...✍🏻✍🏻©️®️

वर्षपूर्ती

बैजू वाटलेच नव्हते कुणालाहीअसे....
अघटीत घडून जाईल...
एक दिवसात होत्याच नव्हते
होऊन जाईल. बघ ना बैजू
चालता बोलता एक वर्ष
असा हा सरून जाईन....
माणूसकी आणी स्नेहाची
जेव्हा ही चर्चा होते....
वेड्या मनाला तुमची
खुप आठवण येते....
केले कष्ट जन्मभर
थाटला सुखाचा संसार....
पोरके करून गेले आम्हास
तुमच्या विन सुने घरदार.....
सहवास जरी सूटला तरी
स्मृती सुगंध देत राहील...
आयुष्याच्या प्रत्येक वळणावर....
आठवण तुमचीच येत राहील....
जड अंतकरणाने पवित्र आत्म्यास शांतता मिळावी यासाठी मनापासून प्रार्थना....🙏🙏🙏 😥😥
        तूमचीच......
               मेघा...✍🏻✍🏻

राणी तो खास दिवस

राणी तुझ्या माझ्या भेटीचा 

तो खास दिवस असेल

तुझ्या माझ्या प्रेमाचा

तो खास दिवस असेल

तू माझ्या मिठीत  आणि

मी तुझ्या मिठीत असेल

तो दिवस खास असेल

ज्या दिवशी तू सर्वस्वी

माझी होशील तो दिवस

स्वर्गाहून सुंदर असा

आयुष्यातील सोनेरी दिवस असेल..

मुक्तछंद काव्या

मेघा...✍🏻✍🏻©️®️

नवा दिवस

रवी रोजच नवा दिवस घेऊन

नभात उगवतो.

तो रोज नवी स्वप्न नवा खास 

दिवस आपल्याला देतो

तो उगवलेला नवा दिवस

आपण आपल्या साठी

खास करायचा का

वाईट भूतकाळात राहून

तो दिवस वाया घालवायचा.

आपल्याच हातात आहे...

मेघा...✍🏻✍🏻©️®️

आठवणी

खास असा दिवस 

आता राहिला नाही.

रोजच बैजू तुझ्या आठवणीत 

दिवस उगवतो.

तो उगवलेला दिवस बैजू 

तुझ्या आठवणींची सोबत  

घेऊन रोजच संपतो.

मुक्तछंद काव्या

मेघा...✍🏻✍🏻©️®️

प्रेमाचा चक्रव्यूह

वेडू तुझ्या प्रेमाच्या

चक्रव्यूह मध्ये बघ

मी रे कशी अडकले

आता मार्गच नाही बघ 

तुझ्या प्रेमातून बाहेर पडायला

इतकी कशी रे 

गुंतले तुझ्या प्रेमात

बाहेर पडण्याचा मार्ग ही

मला दिसला नाही.

आता सरणावर जाईल

तेव्हाच सर्व संपेल बघ...

मुक्तछंद काव्या

मेघा...✍🏻✍🏻©️®️

महाभारत (चारोळी)

चक्रव्यूह नशीबाचा रचला

महाभारत हा येथे घडला.

नशीबाचा खेळ असा झाला

सरणावर चक्रव्यूह तुटला..

मेघा...✍🏻✍🏻©️®️

प्रेम चक्रव्यूह

राणी चक्रव्यूह 

तुझ्या माझ्या प्रेमाचा

गुंतलो ग आपण प्रेमात

जिंकून आपल्या प्रेमाला

चक्रव्यूह पूर्ण  करून

बाहेर पडू ग..

मुक्तछंद काव्या

मेघा...✍🏻✍🏻©️®️

चक्रव्यूह

सख्या देवाने चक्रव्यूह बघ 

कसा रचला मला एकटीला

जगाच्या चक्रव्यूहात अडकून

तुला मात्र संसाराच्या

चक्रव्यूहातून अलगदपणे

घेऊन गेला..

असा कसा रे छळ बघ

माझा मांडला..

मुक्तछंद काव्या

मेघा...✍🏻✍🏻©️®️

नशीब

चक्रव्यूह नशीबाचा रचला रे

अडकले बघ त्यांत 

बाहेर पडण्याचा मार्ग 

सापडत नाही.

श्वास तो गुदमरतो आहे

जीव सुटत नाही.

अंत त्यातच आहे...

मुक्तछंद काव्या

मेघा... ✍🏻✍🏻©️®️

राणी तुझ्या शिवाय

तुझ्या शिवाय राणी कसा 

मी राहतो मग

तुझ्याच विचारत मग्न 

मी होतो.

जळी स्थळी पाषाणी तूच

तू दिसते

तुझ्याशिवाय मग मी

राहूच शकत नाही...

मुक्तछंद काव्या

मेघा...✍🏻✍🏻©️®️

वेडू (चारोळी)

वेडू तुझ्या शिवाय जगणं

काही जगणं आहे का रे

तुझ्या शिवाय जगणं म्हणजे

आत्मा विना शरीर आहे रे

मेघा...✍🏻✍🏻©️®️

तुझ्या शिवाय (चारोळी)

तुझ्या शिवाय जगणं जगणं आहे का रे...

तुझ्या शिवाय फक्त श्वास श्वास आहे रे...

तुझ्या शिवाय स्वप्न स्वप्नच नाही रे...

तुझ्या शिवाय कल्पना कल्पनाच नाही रे...

  मेघा...✍🏻✍🏻©️®️

तुझ्या शिवाय

तुझ्या शिवाय मी कसे जगते

माझं मलाच माहिती रे

या एवढ्या मोठ्या जगात

कसं वावरते 

माझं मलाच माहिती रे

तुझी सोबत होती

तुझी साथ होती.

कसलीच भीती नव्हती.

ताठ मानेने उभी होती.

तुझ्या शिवाय हे जग ही

मला टोकते रे

तुझ्या शिवाय श्वास चालू आहे

म्हणून जगायचं आहे.

शेवटचा स्पाॅट येतं

म्हणून चालायचं आहे

तुझ्या शिवाय जगणं म्हणजे

जगणं नाही ती तर 

एक खूप मोठी शिक्षा आहे...

मुक्तछंद काव्या

मेघा...✍🏻✍🏻©️®️

वेडूच नातं

वेडू आपल नातं 

निर्जीव झालं तरी 

मी जपून ठेवलं रे

प्रेमाच खतपाणी रोजच

त्याला घालते.

ओंजारून गोंजारुन 

फुलवत सजीव त्याला ठेवते..

मुक्तछंद काव्या

मेघा...✍🏻✍🏻©️®️

सजीव बनवू (चारोळी)

राणी नको ग
आपलं नातं निर्जीव बनवू
स्वाभिमान तुझा जपून
नातं आपलं सजीव बनवू
मेघा...✍🏻✍🏻©️®️

नातं जपावं

नातं कधीच सजीव निर्जीव नसतं.

नातं म्हणजे काही वस्तू नाही

सजीव निर्जीवात मोडायला

अभिमान स्वाभिमान संभाळून

मान अपमान बाजूला ठेवून

संवादाचे दोन शब्द बोलून

नातं जपावं....

मुक्तछंद काव्या

मेघा...✍🏻✍🏻©️®️

नातं

तुझ्या माझ्या नात्याला

तुच रे निर्जीव बनवत आहे.

मी आपलं नातं सजीव ठेवण्यासाठी 

किती रे धडपडत आहे.

साथ तु ही थोडी दे.

संवाद आपलं साधत राहू

एक पाऊल मी पुढे करते

एक पाऊल तू ही पुढे ये.

शिष्टपणा बाळगून काहीच होत नाही.

फक्त नात्यातील गोडवा 

कमी होऊन वीण उसवली जाईल

शिष्टपणा मला ही खूप पाळता येतो.

स्वाभिमान माझा आडवा आला तर

नातं आपलं कायमच दुरावले जाऊन

संपून जाईल..

मुक्तछंद काव्या

मेघा...✍🏻✍🏻©️®️

राणी (चारोळी)

राणी रात्र रात्र जागून काढतो...

तुझ्या ग भास आभासात..

जवळी तू तर नसते ग...

पण छळते ग किती स्वप्नात...

मेघा...✍🏻✍🏻©️®️

भास

भास आहे कि आभास

स्वप्न आहे कि सत्य

तू आला आहे कि

फक्त जाणीव आहे.

काहीच कळत नाही रे

जाणवतात फक्त स्पर्श

आणि आठवतात शब्द

मुक्तछंद काव्या

मेघा...✍🏻✍🏻©️®️

कल्पना (चारोळी)

आभास म्हणजे रे....

अवास्तव कल्पना....

पण वेडू तू तर.....

माझ्या जगण्याची संकल्पना...

  मेघा...✍🏻✍🏻©️®️

आभास (चारोळी)

आभास हा तुझा स्पर्शून गेला...

अंगावर शहारा येऊन गेला...

चाफ्याच्या फुलांचा सुगंध...

देऊन तू रे गेला..

मेघा...✍🏻✍🏻©️®️

स्वप्न (चारोळी)

रोज वेडू तुझ्या स्वप्नांच्या...

आभासात रे जगते...

वास्तव कळता मला...

तरी हि मी अशी वागते...

मेघा...✍🏻✍🏻©️®️

शब्द

किती रे पहावी वाट

भेट तर शक्यच नाही.

शब्द हि महाग झाले का?

भास आभासच्या दुनियेत

एकदा तरी भेट ना

प्रेमाच दोन शब्द बोल ना..

मुक्तछंद काव्या

मेघा...✍🏻✍🏻©️®️

आभास

तुझा भास कि तुझा आभास 

छळतो रे मला

तुझीच तर जाणीव करून देतो.

तू सोबत असल्याचा स्पर्श जाणवतो

तुझी ऊबदार मिठी जाणवते.

तुझे गरम श्वास जाणवतात.

तुझ्या हातात हात गुंफलेले असतात.

तुझा ओठांचा स्पर्श ओठांना जाणवतो.

केसांच्या बट्टा शी तुझा चाळा चालू असतो.

कपाळावर तुझं चुंबन घेणे जाणवते.

सांग हे सर्व जाणवणे

भास आहे कि आभास आहे..

मुक्तछंद काव्या

मेघा...✍🏻✍🏻©️®️

गाठोडे( चारोळी)

वेदनाच गाठोडे

आता बांधून ठेवले..

नयनातील अश्रू 

आता लपून ठेवले...

मेघा...✍🏻✍🏻©️®️

जखम

तू दिलेल्या वेदनेची 

जखम अजून ओली आहे..

ती भरून येणार नाही

आणि तु ही परत येणार नाही

मला माहित आहे..

मुक्तछंद काव्या

मेघा...✍🏻✍🏻©️®️

खपली( चारोळी)

वेदनेची खपली जरा 

धरू लागली होती...

तर का रे वेड्या

तू येऊन खरवडली होती...

मेघा...✍🏻✍🏻©️®️

सुख

सुखाच्या परमोच्च घेणाऱ्या माणसांना

वेदना कशाशी खातात माहिती आहे का?

वेदनेची ठिणगी होत्याच नव्हत करून

सर्व जाळून मोकळी होते. तुम्हाला काय कळणार. तुम्ही तर सुखाचे सोबती

मुक्तछंद काव्या

मेघा...✍🏻✍🏻©️®️

दुःख(. चारोळी)

वेदना माझ्या समजून घेशील का?

समजून वेदनेच दुःख माझं

मला कुरवाळून मिठीत

तुझ्या घेशील का?

मेघा...✍🏻✍🏻©️®️

वेदना

बैजू वेदनेच दुःख तुला कळणार नाही.

तू तर हात माझा सोडून वेदनेची कळ देऊन एक दिवसात होत्याच नव्हत करून निघून गेला. तुझ्या पाठीमागे अस जगणं म्हणजे काय असतं हे  फक्त मलाच माहिती

आणि ह्या समाजात असं जगणं समजायला फक्त स्त्रीच्या जन्माला यावं लागतं. 

रोजच वेदनेची कळ मनात घेऊन चेहऱ्यावर हास्याचा मुखवटा घेऊन जगत असते.

हास्याच्या मुखवट्या मागची वेदना 

फक्त मलाच माहिती रे बैजू

असं कसं आणि किती वर्ष जगायचं माहित नाही. पण आता कंटाळा आला आहे.

असं वाटतं बस झालं आता हे सर्व पटकन उठाव आणि तुझ्या कडे यावं चटकन 

तुझ्या मिठीत येऊन शांत होऊन जावं

बस झाली आता वेदना आणि बस झालं आता जगणं आता सरणावर कायमची सुखाची झोप हवी आहे.....

मुक्तछंद काव्या

मेघा...✍🏻✍🏻©️®️

मैत्रीची परिभाषा

मैत्रीतील प्रेमाची परिभाषा

तुला समजेल का?

समजून घेऊन मैत्री

तू करशील का?

मैं हूं ना असं म्हणून 

मला साथ देशील का?

आपली भेट झाली

नाही तरी चालेल

शब्दांचा आधार देशील का?

स्वार्थ अपेक्षा काहीच नाही

निर्मळ, निरागस, निरपेक्ष, 

नितळ आपली मैत्री जपू या

मैत्री नावाच्या आपल्या

परिभाषेला चार चाँद लावून

मैत्रीच आपलं नातं 

आयुष्यभर जपू या...

मुक्तछंद काव्या

मेघा...✍🏻✍🏻©️®️

प्रेमाची परिभाषा

प्रेमाची ती परिभाषा

आपली खूपच वेगळी होती.

सौंदर्यांची ती अनोखी खाण होती.

ना वासना होती ना अपेक्षा होती.

भेटलो जरी नाही बोललो जरी नाही.

तरी आपल्या नजरेचा सारा खेळ होता.

डोळ्यानीं डोळ्यांना पाहून 

तृप्त आपण होत होतो.

अबोल आशा प्रेमाची 

अबोल अशी प्रेमाची

अबोल आपली परिभाषा होती...

मुक्तछंद काव्या

मेघा...✍🏻✍🏻©️®️

भाषा (चारोळी)

वेडू प्रेमाची परिभाषा

आपली वेगळीच होती.

नजरेची ती भाषा फक्त

आपल्या दोघांची होती.

मेघा...✍🏻✍🏻©️®️

परिभाषा

प्रेमाची परिभाषा 

तुला कधी कळलीच नाही.

नजरेची खुणवा खूणवी 

तू कधी पाहिलीच नाही.

इशारे करून दमलो

तुला समजलेच नाही

वाटतर तुझी खूप पाहिली

तू कधी आलीच नाही.

प्रेमाची परिभाषा तुला

कळलीच नाही..

मुक्तछंद काव्या

मेघा...✍🏻✍🏻©️®️

बैजू

बैजू आता तुझी झलक

फक्त फोटोत दिसते.

स्वप्नात कधीतरी झलक

दाखवून जातो.

सत्यात तर येण शक्य नाही.

शब्द तर तुझे बंद झाले.

तुझ्या आवाजाची झलक 

आता फक्त कानात घुमते.

मुक्तछंद काव्या

मेघा....✍🏻✍🏻©️®️

रवी(चारोळी)

अस्ताला जाताना ग तो रवी

वादा ग हा देऊन गेला.

सकाळी झलक तुला दाखवेल

म्हणता भेटीला येऊन गेला..

मेघा...✍🏻✍🏻©️®️

वेडू तुझी झलक

वेडू तुझी झलक बघायला

नयन माझे तरसले आहे.

शब्द तुझे ऐकायला

कान माझे टवकारले आहे.

जीव फक्त तुझ्यासाठी

अडकला आहे.

आता काहीच नको.

धडधड हृदयाची संपत 

आली आहे.

शेवटचा श्वास तुझ्या साठी

राखून ठेवला आहे.

तुला पाहताच तो

शेवटचा श्वासही संपेल.

सरणावर फक्त देह माझा उरेल.

त्या देहाची ही तासा दोन तासांत

राख होऊन जाईल.

ना तुझी झलक मला पुन्हा दिसेल

ना माझी झलक तुला दिसेल.

मुक्तछंद काव्या

मेघा...✍🏻✍🏻©️®️

राणी तुझी झलक

राणी तुझी एक झलक दिसावी

म्हणून रोजच सकाळ संध्याकाळ

तुझ्या दारा वरून जात होतो.

तुझी झलक दिसता 

मन माझे प्रसन्न होत असे.

जेवणाची तृप्त ढेकर देऊन 

मग मी जात होतो...

मुक्तछंद काव्या

मेघा...✍🏻✍🏻©️®️

झलक (चारोळी)

राणी तुझी झलक मनाच्या 

कप्प्यात जपून ठेवली आहे.

तू जरी सोबत नाही तरी

मनाच्या कप्प्यात तुझी सोबत आहे.

मेघा...✍🏻✍🏻©️®️

झलक

देवा आता तुझी झलक दाखव.

जगण्याचा हेतू आता संपला आहे.

अर्थहीन जगणं आता नको आहे.

कर्तव्य पूर्ती संपली आहे.

सोबत आता कोणाचीच नको आहे.

तुझी झलक बघता बघता

तुझे नाम मुखी घेत.

शांतपणे तुझ्यात एकरूप व्हावे.

मुक्तछंद काव्या

मेघा...✍🏻✍🏻©️®️

हास्य योगा

भारतीय संस्कृती हास्य योगा

लोकमान्य हास्य योगाचा कट्टा आमचा जमला. हसत खेळत हास्य योगा आमचा होतो. लहान काय थोर काय हसत खेळत

टाळ्या वाजवत हास्य योगा करत टेंशन फ्री आम्ही होतो. शुगर, बीपी, नॉर्मल झाले वजन आमचे आटोक्यात आले. म्हणून म्हणते

हसा हसा हसा हसून हसून टेंशन तुम्ही घालवा

जो हसेल तो सुदृढ निरोगी आयुष्य जगेल... 

मुक्तछंद काव्या

मेघा ...✍🏻✍🏻©️®️

माझा देश

भारतीय संस्कृती जगात भारी

संस्कृताचे पाठ रोज चाले

देवाधर्माचा देश माझा

संतांची येथे भूमी आहे.

सुसंस्कृती येथे नांदते.

माझ्या देशी

मुक्तछंद काव्या

मेघा...✍🏻©️®️

माझा भारत देश

विविधतेने नटलेली माझी भारतीय संस्कृती

आई वडीलांनाचा मान मोठ्यांचा आदर 

मुलांना शुभंकरोती स्त्रोत ओमचा उच्चार शिकवणारी मोठ्यांच्या पायाच पडणे.त्याचा आदर करणे हि आमची भारतीय संस्कृती

सणवार, व्रतवैकल्ये, एकमेकांना साथ देऊन समजावून घेणे. विविध प्रांतातील लोक एकोप्याने राहतात. विविध प्रकारचे विविध सणवार एकोप्याने साजरे करतात.

माणूस म्हणून माणूसकीची वागून देणारे भारतीय संस्कृती

मला माझ्या देशाचा माझ्या भारतीय संस्कृतीचा अभिमान आहे.

मेरा देश महान हैं! भारत माता की जय!

मुक्तछंद काव्या

  मेघा...✍🏻✍🏻©️®️

दोष कोणाचा

वेडू दोष तुझा हो ना माझा

नियतीलाच मान्य नव्हतं 

आपलं एकत्र येणं

प्रेम करून एकत्र राहणं

मेघा...✍🏻✍🏻©️®️

दोष नव्हता

राणी दोष तुझा नव्हता ग

ना तुझ्या नशीबाचा होता.

ना तुझ्या कर्मांचा होता.

जे होतं ते तू स्वीकारले होते

जे होतं त्यात तू समररस झाली होती.

तू स्वतःला दोष देऊ नकोस.

ना तुझ्या नशीबाला कर्माला दोष देऊस.

जे घडायचे ते घडले.

जे आहे ते आता स्वीकारून 

पुढे चल ग राणी

मुक्तछंद काव्या

मेघा...✍🏻✍🏻©️®️

दोष

दोष तर कोणाचाच नसतो 

दोष असतो आपल्या कर्मांचा

दोष असतो आपल्या पाप पुण्याचा

दोष असतो आपल्या स्वभावाचा

दोष असतो आपल्या वागणूकीचा

दोष असतो माणूसकीचा

जसं घडवू तसा दोष घडत जातो.

म्हणून दोष कोणालाच देऊ नका

जे जसं आहे ते तसं घडणारच...

मुक्तछंद काव्या

मेघा...✍🏻✍🏻©️®️

वेडू (चारोळी)

अव्यक्त तुझ्या रहाण्यावरही वेडू....

जीव ओवाळून मी टाकावा...

दोष कुणाचा सांग बर...

का इतका तुला जपावा....

मेघा...✍🏻✍🏻©️®️

राणी (चारोळी)

दोष कुणाचाही असुदे....

चुक तू कबूल करते...

नाती जपण्याची राणी तुझी अदा...

मन ग माझ वेड करते....

मेघा...✍🏻✍🏻©️®️

दोष

दोष कोणाचा ना तुझा ना माझा

दोष होता माझ्या नशीबाचा

हसत्या खेळत्या संसार आपला होता.

आशा या भरल्या संसारातून

तुला माझ्या पासून 

नियतीने हिरावून घेतले

सांग ना दोष कोणाचा 

मुक्तछंद काव्या

मेघा...✍🏻✍🏻©️®️

पणती

मी आहे छोटीशी पणती

समजून घेऊन साथ 

तू मला देशील का??

मी जळते तुझ्याचसाठी

तुझ्या अंगणी प्रकाश देते

नारी आहे म्हणून काय झालं

दोन्ही घरचे नाव रोशन करते.

मी नाजूक वेल माहेरची

तुझ्या अंगणी रोवून घट्ट पाय

तुझ्या पाठीशी खंबीरपणे

उभी मी राहते रे

अंगण तुझं फुलवून

गोड फळे देते रे.

मुक्तछंद काव्या

मेघा...✍🏻✍🏻©️®️

दिवा( चारोळी)

राणी तेजोमय दिवा घेऊन.

माझ्या जीवनी ये ना.

माझ्या जीवनात तुझा 

तेजोमय प्रकाश दे ना.

मेघा...✍🏻✍🏻©️®️

मनाचा दिवा

वेडू तुझ्या नावाचा दिवा

मनाच्या कोपऱ्यात

अखंड तेवत आहे.

तो तेवत राहावा म्हणून

मी जळत आहे.

वाऱ्याची हि झुळूक लागू नये.

म्हणून काळजी मी घेत आहे.

मुक्तछंद काव्या

मेघा...✍🏻✍🏻©️®️

दिवा

दिवा आपल्या संसाराचा

अखंडित शांतपणे जळत होता.

नियतीला तो सुंदर 

तेजोमय प्रकाश

सहन झाला नाही.

वाऱ्याच्या जोरदार 

झोत आला माझा

दिवा कायमचा शांत

करून गेला...

मुक्तछंद काव्या

मेघा...✍🏻✍🏻©️®️

हृदयात

वेडू मी कशाला जाऊ रे

आरशाच्या खोलीत 

तुझ्याच डोळ्यांत पाहता 

मला माझे प्रतिबिंब दिसते.

तुझ्या हृदयात माझीच

तर छबी दिसते‌.

निरागस आशा 

तुझ्या चेहऱ्यावर

माझेच तर भाव दिसतात.

मग मला तू असताना

आरशाची गरजच पडत नाही...

मुक्तछंद काव्या

मेघा...✍🏻✍🏻©️®️

प्रतिबिंब( चारोळी)

आरशाच्या खोलीत वेडू...

गंमत अशी घडली...

माझ्या प्रतिबिंबात ही...

छबी तुझीच पडली...

मेघा...✍🏻✍🏻©️®️

छबी( चारोळी)

माझ्या मनाच्या आरशात...

वेडू तुझीच छबी आहे रे...

वेड्या बघशील का कधी...

तर तुला समजेल रे....

मेघा...✍🏻✍🏻©️®️

विरह (चारोळी)

आरशाच्या खोलीत...

वाटत होती भीती...

तुझ्या विरहाने...

मन दाटले किती...

मेघा...✍🏻✍🏻©️®️

तुझे प्रतिबिंब

आरशाच्या खोलीत जाता

प्रत्येक आरशात राणी

तूच तू दिसते.

सगळीकडे तुझंच

प्रतिबिंब दिसते.

कोठे लाजरी,कोठे हसरी

कोठे निरागस,कोठे अल्लड

कोठे प्रियतमा, तर कोठे

माझी स्वप्नं सुंदरी तू

अशी तुझे रुपे पाहून

वेडा मी होतो ग.

त्या आरशाच्या खोलीत

तुझे प्रतिबिंब पाहायला 

सारखा सारखा मी जातो ग...

मुक्तछंद काव्या

मेघा...✍🏻✍🏻©️®️

वेडू

वेडू कधीच माझ्या प्रेमाला धोका देऊन नकोस.आलाच जर माझा कंटाळा तर स्पष्ट सांगून मोकळा हो धोका देऊन विश्वास तोडून जाऊ नकोस. तू जाशील रे धोका देऊन पण तुला नाही कळणार माझी अवस्था काय होईल. विश्वासाने जपलेलं आपलं नातं एका मिनिटात धोका देऊन तोडू नकोस.

मुक्तछंद काव्या

मेघा...✍🏻✍🏻©️®️

प्रेम (अलक कथा)

ती त्याच्या वर अतोनात प्रेम करत होती.

तो हि तिच्यावर प्रेम करत होता. तो ही तिचं मन जपत होता.

ती त्यांचं मन जपत होती. ती त्याला संभाळून घेत होती.त्यांच्यासाठी त्यांच्या आवडीचे पदार्थ करून आणत होती.तो ही आवडीने तिचं कौतुक करून ते सर्व पदार्थ खात होता. दोघे मिळून सुंदर संसाराचे स्वप्न पाहत होते.

आणि एका वळणावर काय झालं माहित नाही तो तिला धोका देऊन कायमचा निघून गेला.ती त्यांची वाट पाहत राहिली..

मुक्तछंद काव्या

मेघा...✍🏻✍🏻©️®️

नियती (चारोळी)

नियतीने मला धोका देऊन....

तुला शांत सरणावर....

झोपवले आहे आणि...

मला उभं केलं आहे मरणावर....

मेघा...✍🏻✍🏻©️®️

धोका (चारोळी)

नियतीने आपल्या....

दोघांना धोका दिला....

तुझा हात काढून घेऊन....

मला पोरक करून दिलं....

मेघा...✍🏻✍🏻©️®️

धोका

धोका कधीच कोणाला देऊ नका.

त्यांच्या विश्वासाला तडा देऊ नका. जो कोणी विश्वासाने तुम्हाला काही गोष्टी सांगतो त्याला धोका देऊन त्यांच्या गोष्टी इतरत्र पसरू नका.आज जरी तुम्ही धोका दिला तरी नियती सगळं पाहत असते. ती कधी कसा धोका देऊन जाईल कळणार पण नाही. धोका देऊन केलेलं प्रेम ,पैसा, इस्टेट,

कधीच सुखाची घागर भरत नाही. जे काही धोका देऊन मिळवलेल असतं ते असंच फुकटच जात. म्हणूनच कोणाला धोका देऊन काही कमवू नका. व कोणाचा विश्वास धोका देऊन तोडू नका.

मुक्तछंद काव्या

मेघा...✍🏻✍🏻©️®️

शुभेच्छा

वेडू तुझा वाढदिवस दरवर्षी यावा

माझं ही आयुष्य तुला लाभो!

मी जरी शुभेच्छा द्यायला नसले तरी

माझ्या शुभेच्छा तुला माझ्या नंतर ही कायम असतील. तू आनंदी सुखात राहावं

मी तुला शब्दरुपी भेट देईल आणि त्या

शब्दरुपातच तुला भेटेन..

नको चंद्र तारे फुलांचे पसारे तुझ्या अडचणीच्या वेळी व गरज असताना मी खंबीर पणे तुझ्या पाठीशी उभी राहिन..

मुक्तछंद काव्या

मेघा...✍🏻✍🏻©️®️

वाढदिवस

वाढदिवस एक वर्ष कमी झालं

म्हणूनच साजरा करायचा नाही कि

एक वर्षांनी मोठे झालो म्हणून

आनंद व्यक्त करून शुभेच्छा चा

वर्षाव करून घ्यायचा.

ज्यांचं त्यांनी ठरवायचं असतं..

मुक्तछंद काव्या

मेघा...✍🏻✍🏻©️®️

तुम जियो हजारो साल

तुम जियो हजारो साल

साल के दिन हो पचास हजार

एवढीच सदिच्छा मी रे पाठवेल

वेडू तुझ्या प्रत्येक श्वासाला मी ना रे आठवेल

  मेघा...✍🏻✍🏻©️®️

वाढदिवस

वाढदिवस माझ्या पिल्लूचा असतो. 

आम्ही दोनदा साजरा करतो.

मी आणि पिल्लू मिळून पहिला साजरा करतो. मी त्यांच्या आवडीच जेवण बनवते.

सकाळी आॅफिसला जायचा आधीच

आई बाबांन सोबत औक्षण करून

केक कापून घेतो. मग दिवसभर आम्ही दोघेच असतो. संध्याकाळी त्याला फिरून आणते. त्यांच्या आवडीच श्रीखंड पुरी करते.

जेवण करून झोपून जातो.

आई बाबा रात्री बारा एक वाजता येतात.

कामाने थकून गेलेले असतात.

अहो दोघेही बॅंकेत कामाला पिल्लूचा वाढदिवस 30 मार्चला आणि बॅंकेच मार्च एडिंग मग वेळ कुठला एक एप्रिल मात्र वाढदिवस दणक्यात साजरा करतो..

मुक्तछंद काव्या

  मेघा...✍🏻✍🏻©️®️

माझा राजा माझं पिल्लू 😘

मन जिंकणारा माझा राजा

माझं पिल्लू माझी काळजी घेतो.

मी विचार करत बसले तर येऊन माझ्या गळ्यात हात टाकून आजी काय झालं असं विचारतो. आज्जोची आठवण आली का म्हणतो. तू विचार करू नकोस आपले आज्जो बरं वाटलं कोरोना गेला की परत येणार आहे आपण जाऊ त्यांना आणायला अशी माझी समजूत घालतो.

मी रडायला लागले तर माझे डोळे पुसतो. आणि मला म्हणतो आजी तू लडू नकोस.व घट्ट मिठी मारतो. माझा सोबत तो ही रडतो. आणि सांगतो. मी तुझं सगळं ऐकेन

आपले आज्जो येणार आहेत.तू काळजी करू नकोस. मी बाप्पाला सांगितले आहे. माझे आज्जो आहे तसेच मला दे. ते स्टार झालेले मला नको आहेत.

व त्यांच्या फोटो कडे जाऊन त्यांना सांगतो आज्जो परत या आजी लडते मला पण तुमची आठवण येते. तुम्ही मला हवे आहात

मी तुम्हाला आईस्क्रीम वडापाव चाॅकेलेट

देतो. तुम्ही फक्त यायचं काम करा. 

असं माझं मन जिंकणारा माझं पिल्लू 😘

मुक्तछंद काव्या

मेघा...✍🏻✍🏻©️®️

मला जिंकले

मन जिंकता जिंकता...

त्यांने मलाच जिंकले...

हात हाती घेऊन...

कायमचे आपले केले...

मुक्तछंद काव्या

मेघा...✍🏻✍🏻©️®️

मन

मन जिंकणे तसे सोपे आहे का?

मन जिंकण्यासाठी मन खूप मोठं असावं लागतं. मन तर जिंकता येत. पण त्याला तेवढं जपून ही ठेवावं लागतं.

जिंकलेल्या मनाला ओंजाराव गोंजाराव लागत. सुख दुःखात सहभागी व्हावं लागतं. 

मन जिंकून घेतलं कि विश्वास हि जपावा लागतो. जिंकून घेतलेल्या मनाच गुपित आपल्या पर्यंतच ठेवून विश्वासाने मन जिंकून घ्यावं लागतं.

मुक्तछंद काव्या

मेघा...✍🏻✍🏻©️®️

माझा राजा

माझा वेडू माझं मन 

जिंकणारा माझं मन 

जाणणारा राजा

स्वभाव त्यांचा शांत

मला जपतो‌ काळजी

माझी घेतो.

हवं नको ते विचारतो.

दुःखी मला करत नाही.

सुखांची बरसात करतो.

माझ्या नयनी अश्रू 

त्याला चालत नाही.

माझ मन समजून घेऊन

मला तो जपतो.

मन माझं जिंकणारा

एकच माझा राजा

माझा वेडू माझा वेडू....

मुक्तछंद काव्या

मेघा...✍🏻✍🏻©️®️

वेडू ची श्रीमंती

वेडू श्रीमंत नसला तरी तू चालेल  रे पण माझं मन जाणून घे. नको मला पैठणी आणि नको मला सोन्याचा हार, नको रे मला हिऱ्या मोत्यांचे दागिने. नको मला बंगला गाडी,

पण माझं दुःख जाणून घे.

सुखदुःखाच्या क्षणी माझा खंबीर खांदा तू हो. माझं मन मोकळे करायला संवाद तू साध

हिच श्रीमंती आपल्यात ठेव रे वेडू...

मुक्तछंद काव्या

मेघा...✍🏻✍🏻©️®️

आई वडीलांनाची श्रीमंती

आई वडील आहेत तेच घर खरे श्रीमंत

नका रे त्यांचा अपमान करू

त्यांच्या डोळ्यात आसू नको

त्यांच्या डोळ्यांत हसू असू दे.

करोडो रुपये कमावले व

करोडे रुपये घालवले

तरी आई वडील पुन्हा नाही भेटत.

मुक्तछंद काव्या

मेघा...✍🏻✍🏻©️®️

श्रीमंती (चारोळी)

श्रीमंती असावी मनाची...

श्रीमंती असावी माणूसकीची...

श्रीमंती असावी दानाची...

श्रीमंती असावी विचारांची...

मेघा...✍🏻✍🏻©️®️

श्रीमंती

श्रीमंती नसले तरी चालेल पण मनाने श्रीमंत असावे.भुकेल्याला आपल्या घसातील दोन घास द्यावे.तहानलेल्या पाणी द्यावे.गरजूंना मदत करावी.सुख दुःख वाटून घ्यावे. पैशाच्या श्रीमंती पेक्षा चांगल्या चार माणसांची श्रीमंती हवी. पैसा आज आहे उद्या नसेल.ढिगभर नसली तरी चालतील पण चांगली दोन माणसे सोबत असावी.

स्वभाव सरळ चांगला असावा.समोरच्याच दुःख समजून घ्यावं. माझीच तुला गरज आहे व माझाच तोरा हे नसावा. त्यापेक्षा दुसऱ्या माणसांचं मन जाणता येणं त्या सारखी श्रीमंती नाही. खरं तर हिच खरी श्रीमंती...

मुक्तछंद काव्या

  मेघा...✍🏻✍🏻©️®️

आई

आई तु आजारी होती.

मी तुला प्रत्येक वेळी भेटायला आले की

मला एक रात्र तरी राहा म्हणून मागे लागायची पण मी राहू शकत नव्हते.

मग तू रुसून दुसरीकडे तोंड करून झोपायची. मला खूप वाईट वाटायचे ग

पण काय करणार कर्तव्यात बांधले गेले होते.

तुच दिलेल्या संस्कारावर पाऊल ठेवून चालत होते. माहित नव्हते की असं रुसून कायमच आम्हाला पोरक करून निघून जाशील.

आई तुझी लेक खूप खूप वाईट आहे ग

तुझा विचार न करता मी माझ्या सासरचा

व माझ्या संसाराचा विचार केला ग.

सॉरी म्हणुन हात जोडून माफी मागायला पण तू नाही ग आई

पण तू जेथे असेल तेथून बघत असशील ना

सासरी आज तुझ्या संस्काराचं व तुझ्या लेकीच कौतुक होतोय. 

जो तो म्हणतो मेघा तू होती म्हणून आज हे दिवस दिसतात.

खरंच तुझ्या आईवडीलाचे नाव तू उज्वल केले. यशस्वी संसार केला.मुलाला छान संस्कारी बनवलं.

हे सर्व बघायला व ऐकायला तू हवी होतीस आई तुला अभिमान वाटला असता तुझ्या लेकीचा.

पण ही सल कायम मनात राहिलं तुझ्या सोबत एक रात्र ही मी राहिले नाही ग...

मुक्तछंद काव्या

  मेघा...✍🏻✍🏻

माय माऊली

आई तुझ्या साठी काय करू

आई तुझ्या साठी काय लिहू

लिह्याला शब्दच नाहीत ग

मन फक्त तुझ्याच साठी

तळमळत ग जीव तुझ्यासाठी 

तुटतो ग जीव तुझ्यासाठी

काय करू ग आई

तुझ्या शिवाय मी पोरकी आहे ग..

स्वामी तिन्ही जगाचा आईविना भिकारी...

मुक्तछंद काव्या

मेघा...✍🏻✍🏻©️®️

संस्कार

आई सांग ना कशी करू ग तुझ्या ऋणाची उतराई आयुष्यही कमी पडले ग

तुझ्या चरणी व्हायला..

तुझ्याच ग संस्काराची शिदोरी घेऊन

सासरी कर्तव्यात गुंतत गेले.

संसाराची वाटचाल करता करता

तुझ्या पासून ग दूर झाले.

एक दिवस तुझ्या साठी देईल असं ग

करता करता आयुष्य तुझं संपून गेलं.

तो दिवस मात्र कधी आलाच नाही.

एवढी ग संसारात आणि कर्तव्यात गुंतून गेले ग आई...

मुक्तछंद काव्या

मेघा...✍🏻✍🏻©️®️

साद (चारोळी)

आई फक्त साद राहिली...

तुला ग द्यायला...

कमीच पडले ग आई मी... 

तुझ्या ऋणाची उतराई व्हायला...

मेघा...✍🏻✍🏻©️®️

वाढदिवस तेजसचा सोनू

तेजस (सोनू)

माझ्या जीवनातील तेज तू

माझ्या आयुष्यातील सोनं तू

तेजस तेज्यासारखा तेजपूंज तू

रवी सारखा तेजस्वी तू

तुझं तेज आसमंत उजळू दे.

अंधाराची छाया कधीच 

तुझ्या जीवनी नसावी.

दुःखाची तिरीप हि नको

सुखाची बरसात कायम

तुझ्या आयुष्यात असू दे.

तुला उदंड आयुष्य लाभो!

तुझ्या सर्व इच्छा आकांक्षा पूर्ण होवोत

हिच श्री स्वामी समर्थ चरणी प्रार्थना 🙏🙏

सोनू तुला वाढदिवसाच्या हार्दिक शुभेच्छा 💐🎂🍰🍧🍫🍫

मुक्तछंद काव्या

मेघा...✍🏻✍🏻©️®️

आई

एक दिवस माझ्या आईसाठी कशाला

पूर्ण आयुष्य आईसाठी दिले तरी कमी पडेल. कारण तिने नऊ महिने माझा भार संभाळून कळा सोसून मला जन्मला घालून मला हे सुंदर जग दाखवले माझे लाड कौतुक केले. रात्रीचा दिवस केला. हाताचा पाळणा केला त्यासाठी माझ्या साठी तूपाची लोटी जिने लपून ठेवली काही झालं तरी माझं साठी तिने वरण भात तूप कायम केले.

त्या आईसाठी एक दिवस काय पूर्ण आयुष्य तिला दिले तरी कमीच आहे.

अशी माझी आई सुशिक्षित आधुनिक विचारांची हौशी होती.

तिने माझ्या सर्व हौस पूर्ण केल्या.

आशा आईसाठी आयुष्य घालवले तरी कमीच आहे.

माझी प्रगती बघायला मला तिच्या साठी काही करायला. मला आता तिची गरज असताना तिचा प्रेमाचा हात पाठीवर फिरवायला तिच्या कुशीत मनसोक्त रडायला ती या जगात नाही. 

मुक्तछंद काव्या

मिस यू आई 🙏😥😥



प्रेम संधी (चारोळी)

नविन संधी ती मिळाली रे...

मी माझ्या प्रेमाची कबुली दिली...

तू हि सांगून मोकळा हो रे...

मग दोघे मिळून गाऊ प्रेम गीत...

मेघा...✍🏻✍🏻©️®️

प्रेमाची संधी

वेडू तुझ्या माझ्या प्रेमाची

संधी चांगली चालून आली होती.

ती संधी आपण घालवून बसलो..

आता पश्चात्ताप करून काय उपयोग

तेव्हाच जर ती संधी ओळखून

आपण बोललं असतो तर

त्या संधीच सोनं झालं असतं

मग आजच चित्र वेगळं असतं.

मुक्तछंद काव्या

मेघा...✍🏻✍🏻©️®️

वेडू (चारोळी)

वेडू किती देऊ रे...

संधी पुन्हा पुन्हा...

जीवापाड प्रेम केल्याचा... 

झाला काय रे गुन्हा...

मेघा...✍🏻✍🏻©️®️

संधी (चारोळी)

राणी दे ना ग...

एक संधी... 

राहायचं आहे...

मला तुझ्या मना मधी...

मेघा...✍🏻✍🏻©️®️

संधी

संधी प्रत्येक वेळेस येते. दार ठोकावते उघडायची कि नाही ते आपण आपलं ठरवायचं.त्या संधीच सोनं करायचं का आलेली संधी सोडून दयायच आणि रडत बसायचं ते आपल्या हातात असते. 

नविन संधी घेऊन नविन वाटचाल सुरू करायची आणि दाखवून द्यायचं हम भी कुछ कम नहीं है! 

सोन्यासारख्या संधीच स्वागत करून आपल्या जीवनाचं सोनं करायचं. तरच आलेल्या संधीच सोनं होऊन जीवन सुखकर होईल...

मुक्तछंद काव्या

मेघा...✍🏻✍🏻©️®️

कमाई (चारोळी)

कमाई म्हणता आता...

ओढ ती खास नाही...

मना मध्ये सर्वांच्या राहावी...

सरणावर हि आस राही...

मेघा...✍🏻✍🏻©️®️

माझी कमाई

माझी पहिली कमाई मी माझं नाव आरबुजाच्या घरात कमावलं.

जो तो म्हणत असतो मेघा तुम्ही खूपच ग्रेट आहात. तुम्ही होतात म्हणूनच

खरंच तुम्हाला मानलं पाहिजे. ज्या परिस्थितीतून तुम्ही मार्ग काढला व मुलांवर चांगले संस्कार केले. त्याचं फळ आज छान दिसतं.त्या फळांची गोडी चाखायला अहो ची साथ अजून पाहिजे होती. म्हणजे तो आनंद द्विगुणित झाला असता.

मुक्तछंद काव्या

मेघा...✍🏻✍🏻©️®️

पहिली कमाई

माझी पहिली कमाई

मी बालवाडी शाळेत शिक्षिका म्हणून होते.

ती माझी पहिली कमाई तेव्हा माझा मुलगा सहा वर्षाचा होता. त्यातून मुलाला पहिला ड्रेस घेतला तो आनंद काय सांगू किती आनंद झाला होता. शब्दांत सांगता यायचा नाही.

त्या नंतर बरेच छोटे मोठे उद्योग करत केले. पैसे कमवत गेले.

आता फक्त रियल इस्टेट व इव्हेंट मॅनेजमेंट हेच दोन पैसे कमावण्याची साधन आहेत...

बघू पिल्लू अजून थोडं मोठं झालं की शाळेत किंवा आश्रमात कामाला जायचं विचार चालू आहे..

मुक्तछंद काव्या

मेघा...✍🏻✍🏻©️®️

विश्वासाला तडा (चारोळी)

विश्वास ठेवला होता रे... 

तुझ्या वर मनापासून म्हणून... 

तर मन मोकळं केलं होत रे....

त्याच विश्वासाला तू तडा दिला...

मेघा...✍🏻✍🏻®️©️

विश्वासाला तडा

विश्वासाची हत्या करून

तू मोकळी झालीस.

कसं आणि काय बरं

तुला या पुढे सांगायचं 

विचार कर जरा

हेच जर तुझ्या 

बाबतीत घडलं असत 

तर काय होईल

तू पचवू शकते का?

विचार तुझ्या मनाला

किती मनमोकळे पणाने

सांगितले होते.

तुला सर्व मनातील भावना

खूप सुंदर व्यक्त होत होते ग

नको जाऊन देऊस ग

कोणाच्या विश्वासाला तडा...

मुक्तछंद काव्या

मेघा...✍🏻✍🏻©️®️

विश्वास

कोणच्या ही विश्वासाची हत्या कधीच करू नका. तुम्हाला जो कोणी काही गोष्टी विश्वासानी सांगितलेल्या असतात त्या स्वतः पुरत्या ठेवा. इतरांना सांगून त्या व्यक्तीच हस करू नका. त्यांतच तुमचा मान असतो.

व त्या व्यक्तीचा तुमच्या बद्दल काही तरी विश्वास असतो. म्हणूनच ती व्यक्ती एवढ्या विश्वासाने तुम्हाला मनातील काही गोष्टी सांगितलेल्या असतात. त्यांच्या विश्वासाला तडा देऊन त्यांच्या विश्वासाची हत्या करू नका...

मुक्तछंद काव्या

मेघा...✍🏻✍🏻©️®️

मी कोण

मी कोण मी माझी मी च आहे.

मी मेघा आहे मी राणी आहे.

मी मेंदरकराची लेक आहे.

मी आरबुजाची सून आहे.

माझ्या आयुष्यातील मी

स्वाभिमानी स्त्री आहे.

माझ्या स्वतःसाठी उभी राहिलेली

मी दुर्गा, रणचंडिका, आहे

तेवढीच मायाळू स्वतःवर व दुसऱ्या वर

प्रेम करणारी प्रेमवीरा आहे.

चंद्रा सारखी शितल चांदणी आहे.

रवी सारखी प्रखर तेजस्विनी सुध्दा आहे.

मी लेक, सून, आई, बहिण, मैत्रीण, सासू आजी,सल्ला देणारी सल्लागार,

ऐकून घेऊन समजून घेणारी कोमल मनाची कोमलि का मायाळू आहे.

मुक्तछंद काव्या

मेघा...✍🏻✍🏻©️®️

तू कोण कसं सांगू

तू कोण कसं सांगू तुला

तू तर माझ पहिलं प्रेम आहे.

माझ्या जीवनातील सोबती 

माझ्या कविता तू 

कवितेतील प्रेम तू 

त्यातील वेडू तू

कसं सांगू तुला 

माझा श्वास तू 

माझं विश्वास तू

माझं सर्वस्व तू

माझ्या जीवनाची पहिलं पान तू

माझ्या जीवनातील शेवटचं पान ही तू

तुझ्या शिवाय मी अपूर्ण आहे रे....

मुक्तछंद काव्या

मेघा...✍🏻✍🏻©️®️

तू कोण

वेडू तू कोण आहेस?

माझा मित्र आहेस, स्वप्नातील प्रियकर आहे.

सख्या,सोबती, कि जवळचा सर्व गुपीत तुला माहित असणारा खास हृदयात ठाण मांडून बसलेला. स्वप्नातील खास जवळचा सखा आहेस. तुझ्या शिवाय माझं ही पान हलत नाही. तुला सर्व सांगितल्या शिवाय मला करमत नाही. असा जवळचा खास सखा आहेस रे वेडू कोणी काही म्हणो पण आपली केमिस्ट्री जमली आहे. मरे पर्यंत तुटणार नाही बघ. सरणावर जाताना सुध्दा तुला माझ्या सोबत हृदयात घेऊन जाणार..

वेडू तू असा हा माझा स्वप्नातील खास जवळचा सखा आहेस....

मुक्तछंद काव्या

मेघा...✍🏻✍🏻©️®️

मुहूर्त

राणी खूप झाले ग आता मतभेद

ये भेटायला या अक्षय्य तृतीया च्या मुहूर्तावर

मागील सगळ्या मतभेदाला देऊन टाक तिलांजली.

आज आंब्याच्या रस आणि पुरणपोळी असते. त्या सारखंच आपण एकत्र येऊन गोडगोड बोलून मतभेद आपले मिटवून देऊ.

किती दिवस आणि का मतभेद ताणशील

ताणून मतभेदांमुळे काहीच होत नाही.

जातील तुटून मग पश्चात्ताप करण्यापेक्षा योग्य वेळी मतभेद मिटवलेल बरं.

अपेक्षा ना तुझ्या आहेत. अपेक्षा ना माझ्या आहेत. मग का मतभेद ताणतोय ग

येशील ना राणी आजच्या मूहूर्तावर भेटायला वाट पाहतो..

मुक्तछंद काव्या

मेघा...✍🏻✍🏻©️®️

मतभेद

मतभेदाला वेडू आपल्या आयुष्यात

जगाच नको रे दयायला.

जरी आले चुकून मतभेदाचा प्रसंग

तरी चहाच्या पेलात संपून जाऊ दे.

सॉरी बोलून गोड हसून

एकमेकांच्या मिठीत मतभेद

लगेच संपून जाऊ दे.

ताणल की ताणत जात ताणून तुटण्यापेक्षा

समजून उमजून सोडवलं तर 

सगळेच प्रश्न सुटतात..

वेडू नको रे मतभेदाला

आपल्या आयुष्यात जागाच द्यायला...

मुक्तछंद काव्या

मेघा...✍🏻✍🏻©️®️

अर्थ (चारोळी)

सरणावर जाता जाता....

वेडू जीवनाचा अर्थ कळला....

जगण्याला जवळ करण्यासाठी....

मरणालाचा अर्थ कळला....

मेघा...✍🏻✍🏻©️®️

अस्तित्व

वेडू तुझ्या माझ्या

जीवनाची कविता मांडत गेले.

माझे अस्तित्व तुझ्यात 

का रे मी शोधत गेले.

वेडू तुझ्या सवे स्वप्नांचे 

महल सजवत गेले.

तुझ्या सवे कल्पनेत जगत गेले.

तुझ्या वर कविता करत गेले..

तुझ्या माझ्या कवितेचा 

पसारा शब्दात मांडत आले..

मुक्तछंद काव्या

मेघा...✍🏻✍🏻©️®️

शब्द

माझ्या जीवनाची कविता झाली.

आता काय कविता करू

शब्द शब्द मांडत गेले.

शब्दातून व्यक्त होत गेले.

कल्पनेची हि मांडली कविता

जीवनाचा अर्थ जगत गेले.

मुक्तछंद काव्या

मेघा...✍🏻✍🏻©️®️

जीवन

जीवनाची आता काय कविता करु

नियतीने टाकले फासे उलटे

आता सर्व गमावले आहे.

जीवन एक पुस्तक झाले आहे

रोज एक पान पटलत आहे.

शेवटच्या पानावर मृत्यू लिहिले आहे.

शेवटचे पान येत नाही तोवर

पान पटलत जगायचे आहे..

मुक्तछंद काव्या

मेघा...✍🏻✍🏻©️®️

जीवन

जीवनाची कविता काय लिहू

मनात येईल ते मांडलं

तर सहानुभूती मिळवते

असं बोलतात.

मन रमवण्यासाठी लिहिले.

तरी ऐकून घ्यावे लागते.

काल्पनिक मांडलं तरी विचारतात

असं घडलं का तुमच्या जीवनात

तो वेडू कोण ती राणी कोण

काय लिहावे आता

विचार करून करून डोक

फुटायची वेळ येते कधी कधी

असं वाटतं दयाव सगळं सोडून

आणि जाऊन बसावे.

त्या हिमालयात शांतपणे

नको कोणाचे ऐकून घेणे.

आणि नको कोणाला काही बोलणे.

आणि त्याच त्या प्रश्नांची उत्तरे देणे...

या सगळ्याचा कंटाळा आला आहे...

मुक्तछंद काव्या

मेघा...✍🏻✍🏻©️®️

वेडू

वेडू तुला पाहून

गडबड माझी झाली.

काय करू काय नको

असे मला झाले.

तुला समोर पाहून

काहीच मला सुचेना

तू च माझी गडबड पाहून

मिठीत मला घेतले.

शांत हो म्हणून

डोळ्यांनीच खूनावले

मुक्तछंद काव्या

मेघा...✍🏻✍🏻©️®️

चाफ्याची गडबड

दारात चाफ्याची परडी पाहून

मी विचारात गढून गेले

तू समोर दिसताच रे

मी तर गडबडून गेले.

मुक्तछंद काव्या

मेघा...✍🏻✍🏻©️®️

घोटाळा

गडबड घोटाळा करु नका.

न्याय आहे मोठा येथे जरी नसेल शिक्षा

तरी पाहणारा सारं पाहत असतो.

जमा होत असतो. आपल्या खात्यात पाप  पुण्याचा लेखाजोखा

न्याय जरी येथे झाला नाही तरी हिशोब तेथे चुकते करावे लागतात. स्वार्थ साठी करू नका ओ गडबड घोटाळा दुसऱ्याच्या जीवनात गडबड घोटाळा करून काय तुम्ही साधणार दुसऱ्यासाठी खणलेल्या खड्यात स्वतःच तुम्ही पडणार. म्हणून म्हणते मी भल माझं काम भलं असं तुम्ही वागा..

मांजर डोळे मिटून दुध पिते असं त्याला वाटत आपल्याला कोणी पाहत नाही.

तसं काही नसतं पाहणार सगळं पाहत असतो.न्याय निवडा करत असतो..

मुक्तछंद काव्या

मेघा...✍🏻✍🏻©️®️

गडबड घोटाळा

कोरोनात खूप गडबड घोटाळे झाले.

कोणी माणसं तर कोणी नोकरी,कोणी छोकरी,गमावले कोणाचे व्यवसाय तळागळाला गेले.कोणाच होत्याच नव्हतं झालं. तर कोणी पैसे कमवून गलेलठ्ठ झाले.

मुक्या प्राण्यांनी ही कोरोनाचा काळ भोगला

राजकारण त्यात खूप झाले.

संपूर्ण पृथ्वीवर कोरोनाने गडबड घोटाळा करून ठेवला. संपूर्ण जगाला आपला विळखा घातला...

मुक्तछंद काव्या

मेघा...✍🏻✍🏻©️®️