काचेचा तुकडा

तुझ्या आठवणींचा एक एक काचेचा तुकडा जपून ठेवला रे.टोचतो खूप काळजाला.

कधी कधी आठवणीत काळजाला रक्तबंबाळ करतो..

पण जपून ठेवलीत रे तुझी ती दुपटी, 

तुझी ती झबली टोपडी,तुझी ती कुंची, 

तुझे वाळे काही घुंगरू विखुरले त्यातील 

काही गेले दूर तुझ्या सारखेच

तर काही असून जवळ मुके झालेत..

तुमच्या सारखेच तडकली नाती दूर झाली 

माया ममता प्रेम ही काचेचे सारखे निखळले

किती लावला पारा किती ही पुसली काच

तरी नाही त्याला आता चकाकी

गेली बघ दूरवर सोडून.

मुक्तछंद काव्या

मेघा...✍️✍️©️®️

स्त्रीचं स्त्रीत्व

काचे सारख स्त्री तुझे शील संभाळून राहावे लागते ग तुला पावलागणिक
स्त्रीला तिच स्त्रीत्व तिलाच सांभाळावे  लागते. नाही तर काचे सारख तडा पटकन जातो. कारण या पृथ्वीतलावर बरेच आहेत
राक्षसी वृत्तीचे हातात घेऊन फिरतात
असतात दगडगोटे.
सुंदर पारदर्शक गुळगुळीत स्त्री दिसली की
झालीच यांची सुरुवात कमेंट्स करायच.
आवडलीच एखादी तर वासना यांची
उफाळते. वय काळ वेळ गरीब श्रीमंत काहीच न बघता तिला होत्याचं नव्हत करायचं.तिचा स्त्रीत्वाचा चुराडा करायचं
जपून ठेवलेलं शील तिचं त्याला तोडून मोकळं व्हायचं.
म्हणून म्हणते काचेचं सारखी स्त्री जप ग तुझं अस्तित्व तुच.या नराधमान पासून राहा कायम दूर.
{कोणाच्या ही भावना दुखावण्याचा हेतू नाही.कोणाच्या भावना दुखावल्या गेल्या असतील तर साॅरी 🙏🙏🙏 जे चालू आहे तेच मांडण्याचा प्रयत्न केला आहे.}

मुक्तछंद काव्या
मेघा...✍️✍️©️®️