कळायला हवं होतं

तिचं तुझ्यावर प्रेम आहे
तुला हे समजायला हवं होतं.
तू वेळेवर बोलायला हवं होत.
दिरंगाईने का होईना,
तुला ते कळायला हवं होतं.
आता पश्चात्ताप करून काय फायदा
ती आता दुसऱ्याची झाली.
तिच्या जीवनात ती सुखी आहे.
तू आता तिच्या स्वप्नांच्या दुनियेत जग
तुझी मनांची तोरण किती ही बांधली.
तरी ती येणार नाही.

मुक्तछंद काव्या
मेघा...✍️✍️

आठवणी

तुला कोरोना झाला होता.
तुला हॉस्पिटलमध्ये दाखल करून आले.
तू मला न सांगता, मला न भेटता
त्या हॉस्पिटलमध्ये तू शेवटचा
श्वास घेतला.
एकेकाळी त्याच हॉस्पिटलमधून
मरणोत्तर परिस्थितीतून
तुला खणखणीत बरं करून
घेऊन आले होते.
त्या हॉस्पिटलवर माझा
खूपच विश्वास होता.
तेथेच तुझ्या वर काळाने घाला घातला.
त्या हॉस्पिटलच्या आजूबाजूला ही
मी जात नाही.
त्या हॉस्पिटलकडे वळून
ही बघत नाही.
तुझ्या आठवणीचा
मला खूप त्रास होतो रे
म्हणून पुन्हा तेथे जाणे नको
मागे वळून बघणे नको.

मुक्तछंद काव्या
मेघा...✍️✍️