वाऱ्याचा झोका

वेडू त्या वाऱ्याच्या झोक्याने

खिडकीचे दार ठोठावले

तशी माझ्या मनाची दारे उघडली.

आणि तुझीच तर आठवण 

मनाला करून गेली.

तोच प्रश्न पुन्हा आठवला

असा कसा रे तू मला सोडून गेला.

कसं रे विसरु तुला

वाऱ्याच्या झोक्याने येणाऱ्या

त्या केसांच्या बटा 

तो साडीचा उडणारा पदर

ती धडधडणारी छाती

सांग ना कसं कसं मी स्वतःला

सावरू आवरू

तोच प्रश्न पुन्हा आठवला

कसं रे विसरु तुला?

मुक्तछंद काव्या

  मेघा...✍️✍️©️®️

आठवण

राणी प्रत्येक वाऱ्याच्या झोक्याने

तुझी आठवण येते.

पुन्हा पुन्हा तोच प्रश्न आठवला

तुला कसं ग विसरु

राणी तुझी ती आवडीची 

चाफ्याची फुले तो सुगंध 

तुझीच आठवण करून देतो.

आकाशातील ती शुक्राची चांदणी

तू किती तरी वेळ वेड्यासारखी 

तिच्या कडे पाहात बसायची 

तुला ती आवडायची

तुझं ते निरागस हास्य

तुझा तो खोडकर स्वभाव

माझ्यावर भरभरून प्रेम करणं

माझी काळजी घेणं

किती किती ग मला तू आवडायची

त्या वाऱ्याच्या झोक्याने

आठवण केली ग या मनाला

आणि तोच प्रश्न पुन्हा आठवला

राणी का ग असं सोडून गेली.

तुला कसं ग विसरू

तू तर माझी जीवाभावाची राणी होतीस.

मुक्तछंद काव्या

  मेघा...✍️✍️©️®️