कधीतरी माझं समजून घे ना
कधीतरी उमजून घे ना
मला नको रे गाडी बंगला
सुखसुविधानी भरलेलं घर
मला हवं आहे
तुझं ते पूर्वीच निरागस प्रेम
तुझं भुणभुण करत
माझ्या मागेमागे फिरणं
मला समजावून घेणारा
तुझ्या हातचा तो गरमागरम चहा
आपण एकत्र जेवणं करणं
सुट्टीच्या दिवशी आपल्या
छोट्याशा टु व्हीलवर
मस्त फिरून येण.
चाफ्याची फुले घेणे.
त्या फुलांची माझ्यावर
धुळण करणे
किती किती मजा यायची
आता बास झालं रे
सगळी जबाबदारी संपली
वाटेवरच्या शेवटच्या संध्याकाळी
मला तो पूर्वीचा तू हवा आहेस.
आयुष्याची राहिलेली संध्याकाळ
आता पुन्हा पूर्वी सारखी एकत्र घालू
मी माझं म्हणणं लादत नाही पण
मला आता पूर्वीचा तू हवा आहेस.
समजून घे ना
मुक्तछंद काव्या
मेघा...✍️✍️©️®️
No comments:
Post a Comment
(No Comment ) या ठिकाणी click करून आपण समीक्षा नोंदवू शकता.Publish Button वर click करून .